ސެމްސަންގް ކުންފުނިން އުފައްދާ ނޯޓް ސީރީޒްގެ އެންމެ ފަހުގެ ފޯނު "ސެމްސަންގް ގެލެކްސީ ނޯޓް 7" ރާއްޖެއަށް ތަޢާރަފްކޮށްފިއެވެ.
ރާއްޖެއަކީ މި ފޯން ތައާރަފްކުރި ދެވަނަ ޤައުމެވެ. މި ފޯން އެންމެ ފުރަތަމަ ތަޢާރަފްކުރި ޤައުމަކީ އެމެރިކާއެވެ. މި ފޯން ރާއްޖެއަށް ތައާރަފްކުރީ ދިރާގުގެ ފަރާތުންނެވެ.
އެއްފަހަރާ ފައިސާ ދައްކައިގެން އަދި އިންސްޓޯލްމަންޓަށްވެސް ނޯޓް ސެވަން ދޫކުރަން ހަމަޖެހިފައިވާކަމަށް ދިރާގުން ބުނެވެ. އެއްފަހަރާ ފައިސާ ދައްކާ ގޮތަށް ނޯޓް 7 ގެ އަގު ހުރީ 12،999 ރުފިޔާއަށް އަދި އިންސްޓޯލްމަންޓަށް ދޫކުރާ ގޮތަށް ފޯނު ގަންނަ ފަރާތްތަކުން އެޑްވާންސް ޕޭމަންޓުގެ ގޮތުގައި 2،999 ރުފިޔާ ދައްކަން ޖެހޭނެ ކަމަށާއި ފޯނުގެ އަގު ފުރިހަމަކުރަން ޖެހޭނީ އެއްއަހަރު ދުވަހުގެ މުއްދަތަށް ބަހާލައިގެން މަހަކު 849 ރުފިޔާ ދައްކައިގެން ކަމަށް ދިރާގުން ބުނެއެވެ. ދިރާގު ވެބްސައިޓް މެދުވެރިކޮށް ފޯނަށް އޯޑަރު ކުރެވޭނެ ކަމަށްވެސް އެފަރާތުން ބުނެއެވެ.
ނޯޓް 7 އަކީ ޕާސް ވޯޑެއް ނުވަތަ ޕެޓާން އެއް ޖަހަން ނުޖެހޭ، އައިރިސް ސްކޭނާއި ކާވްޑް ޑިސްޕްލޭ ހިމެނޭ ފޯނެކެވެ. މި ފޯނުގައި ހިމަނާފައިވަނީ 4 ޖީބީގެ ރޭމާއި، 12 މެގަ ޕިކްސެލްގެ ކެމެރާއެކެވެ.