ޚަބަރު
ރަސްފަންނު މޫދަށް ތެޔޮ އެޅިފައި ހުރުމުން މޫދަށް ނޭރެން އެދިއްޖެ
-
މޫދުގައި ހިންގާ އެއްވެސް ހަރަކާތެއް މިދުވަސްވަރު ނުހިންގުމަށް ފުލުހުން އިލްތިމާސްކުރި
-
ކަމާއި ބެހޭ އިދާރާތަކާއި ގުޅިގެން އެސަރަހައްދު އަންނަނީ ސާފުކުރަމުން
ރަސްފަނު މޫދަށް ކަޅުތެޔޮ އެޅިފައި
ރަސްފަންނު މޫދަށް ތެޔޮ އެޅިފައި ހުރުމުން އެސަރަހައްދު މޫދަށް ނޭރުމަށް ފުލުހުންގެ ޚިދުމަތުން އިލްތިމާސްކުރައްވައިފިއެވެ.
ސޯޝަލް މީޑިއާގައި ހިއްސާ ކުރެއްވި ޕޯސްޓެއްގައި ފުލުހުންވަނީ ރަސްފަންނު ސަރަހައްދު މޫދަށް ކަޅު ތެޔޮއެޅިފައިވާތީ އެ ސަރަހައްދުގެ މޫދަށް މިދުވަސްވަރު ނޭރުމަށާއި، މޫދުގައި ހިންގާ އެއްވެސް ހަރަކާތެއް އެސަރަހައްދުގެ މޫދުގައި ނުހިންގުމަށް އިލްތިމާސްކުރައްވާފައެވެ.
ފުލުހުންގެ ޚިދުމަތުން ވިދާޅުވީ ކަމާއި ބެހޭ ފަރާތްތަކާއި ގުޅިގެން ތެޔޮ ސާފުކުރުމުގެ މަސައްކަތް ކުރަމުން އަންނަކަމަށެވެ.