މެންޗެސްޓާ ސިޓީގެ އެންމެ މުހިންމު ފޯވާޑް އާލިން ހާލަންޑަށް ދެން ކުޅެވޭނީ ހަތް ހަފުތާ ފަހުން ކަމަށް ކޯޗު ޕެޕް ގާޑިއޯލާ ބުނެފިއެވެ. އިނގިރޭސި ޕްރިމިއަރ ލީގުގެ ރެލިގޭޝަނުން އަރައިގަތުމަށް މަސައްކަތްކުރާ ލެސްޓާ ސިޓީއާ ދެކޮޅަށް ކުޅެން ތައްޔާރުވާ މެޗުގެ ކުރިން ވާހަކަ ދައްކަމުން ގާޑިއޯލާ ބުނީ 24 އަހަރުގެ ފޯވާޑް ހާލަންޑްގެ ފައިގެ ކުޑަހުޅަށް ލިބިފައިވާ އަނިޔާ ސީރިއަސް ކަމަށެވެ.
ހާލަންޑް ވަނީ މި ސީޒަނުގައި މިހާތަނަށް ސިޓީ 40 މެޗުން 30 ގޯލު ޖަހައދީފަ އެވެ. މި މުހިންމު ފޯވަޑަށް އަނިޔާވީ އެފްއޭކަޕް ކުއާޓާ ފައިނަލުގައި އާދިއްތަ ދުވަހު ބޯނެމައުތު އަތުން މޮޅުވި މެޗުގަ އެވެ. އެއަށްފަހު ހާލަންޑް ޕްރޮޓެކްޓިވް ބޫޓެއްގައި ހޮސްޕިޓަލުން ނުކުންނަން މަންޒަރު ވަނީ ފެނިފަ އެވެ. މިއާއެކު އޭނާ އަށް އެނބުރި ދަނޑަށް އާދެވޭނެ މުއްދަތާމެދު މީޑިއާތަކުން ވެސް ދިޔައީ ތަފާތު ގޮތްގޮތަށް ވާހަކަ ދައްކަމުންނެވެ.
"މިކަހަލަ ކަންކަން އާއްމުވަމުންދާތާ ވަރަށް ގިނަ އަހަރު އަހަރުތަކެއް ވެއްޖެ. ކޮންމެ ސީޒަނެއްގައި ވެސް މި ކަހަލަ ކަމެއް ދިމާވޭ (ކޮންމެވެސް ކުޅުންތެރިއަކަށް). އަހަރެން ބުނާނީ މިއީ (މި ސީޒަން ނިމުމުން ބާއްވާ) ކުލަބު ވޯލްޑްކަޕް ކަޕުގެ ކުރިންވީ ކަމެއްނަމަ މިކަން ތަފާތުވާނެ ކަމަށް،" ގާޑިއޯލާ ބުންޏެވެ.
އޭނާ އަދި ބުނީ ކުޅުންތެރިންނަށް އަނިޔާވަނީ ގާތްގާތުގައި އަރާމެއްނެތި މެޗުތަކެއް ކުޅެންޖެހޭތީ ކަމަށާއި ބާރުބޮޑުވެފައިވާ ފުޓްބޯޅަ ޝެޑިއުލާމެދު ސީރިއަސްކޮށް ވިސްނަންޖެހޭ ކަމަށެވެ.
"އަހަރުމެން މި ސީޒަން ކުޅެން ޖެހިފައިމިވަނީ މިފަދަ އެތައް އަނިޔާތަކަކާއެކު. ހާލަންޑާ މެދު ވެސް އަހަރެން ހަމްދަރުދީވަން. އަހަރެން އެދެނީ އޭނާ އަށް އަވަސް ޝިފާއަކަށް. ވީ އެންމެ އަވަހަކަށް އޭނާ ރަނގަޅުވެގެން އެނބުރި އައުމަށް އަހަރެން އެދެން. ޑޮކްޓަރުން އަހަރެން ގާތު ބުނީ އޭނާ ފިޓްވާން ފަހެއް ނޫނީ ހަތް ހަފުތާ ވާނެ ކަމަށް. އެހެންވިއްޔާ އޭނާ އަށް ކުލަބު ވޯލްޑްކަޕުގައި ކުޅެވިދާނެ. އެއީ ވެސް ރަނގަޅެއް،" ގާޑިއޯލާ ބުންޏެވެ.
އަނިޔާގެ ސަބަބުން މި ސީޒަނުގައި އެންމެ ބޮޑަށް ގެއްލުން ވެފައިވާ އެއް ކުލަބަކީ ސިޓީ އެވެ. ފާއިތުވެދިޔަ ހަތަރު އަހަރު ހޯދި ޕްރެމިއާ ލީގުގެ ތަށި ސީޒަނުގެ ވަރަށް ކުރީކޮޅު ދިފާއު ނުކުރެވޭނެ ގިތް ދިމާވި އެވެ. އަދި ޓީމުގެ ފޯމު ވަރަށް ބޮޑަށް ދަށްވެ އަންނަ ސީޒަނުގެ ޗެމްޕިއަންސް ލީގުގެ މަގާމެއް ހޯދުން ވެސް ވަނީ ދަތިވެފަ އެވެ.