ޚަބަރު
ރައީސްގެ ހއ. އަތޮޅު ދަތުރުފުޅު: ފަހު މަންޒިލަކަށް އުލިގަމަށް ވަޑައިގެންފި
-
ރަށުގެ ރައްޔިތުންނާ ބައްދަލުކުރައްވާނެ
-
ބައެއް މުހިންމު މަޝްރޫޢުތައް އިފްތާހުކުރައްވާނެ
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހއ. އުލިގަމަށް ވަޑައިގަތުން / ފޮޓޯ: ރައީސް އޮފީސް
ހއ. އަތޮޅަށް ފެއްޓެވި ދަތުރުފަޅުގެ ފަހު މަންޒިލަކަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އެ އަތޮޅު އުލިގަމަށް ވަޑައިގެންފިއެވެ.
އުލިގަމުން ރައީސުލްޖުމްހޫރިއްޔާއަށް ވަނީ ހޫނު މަރުޚަބާއެއް ދަންނަވާފައެވެ.
މި ދަތުރުފުޅުގައި އުލިގަމު ކައުންސިލާ އަންހެނުންގެ ތަރައްޤީއަށް މަސައްކަތްކުރާ ކޮމިޓީ އަދި ރަށުގެ މުއައްސަސާތަކުގެ އިސް ވެރިންނާ ބައްދަލުކުރައްވާނެއެވެ. އަދި ރަށުގެ ރައްޔިތުންނާ ބައްދަލުކުރައްވާނެއެވެ.
މިދަތުފުޅުގެ ތެރެއިން އުލިގަމު އައު ކައުންސިލް އިމާރާތުގެ ބިންގާ އެޅުން ކުރިއަށްދާނެއެވެ. އަދި އުލިގަމުގައި ބޭންކިން ޚިދުމަތް ދިނުމަށް، އުލިގަމުގައި އޭޓީއެމް ހެދުމުގެ މަސައްކަތް ކައުންސިލާ ހަވާލުކުރުން ކުރިއަށްދާނެއެވެ.
ރައީސްގެ މި ދަތުރުފުޅުގައި ހއ. އަތޮޅުގެ 10 ރަށަކަށް ވަނީ ވަޑައިގެންފައެވެ.