ރައީސުލްޖުމްހޫރިއްޔާ ރ. ކިނޮޅަހަށް ވަޑައިގެންފި، މިއީ މިއަދުގެ ފުރަތަމަ މަންޒިލް

ރ. އަތޮޅުގެ ރަށްތަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުރައްވަމުން ގެންދަވަ ދަތުރުފުޅުގައި އެ އަތޮޅު ކިނޮޅަހަށް ވަޑައިގެންފިއެވެ.

ކިނޮޅަހަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރ. އަތޮޅުގެ 11 ރަށަކަށް ކުރައްވާ ދަތުރުފުޅުގެ ތެރެއިން ވަޑައިގެންނެވި 9 ވަނަ ރަށެވެ. ކިނޮޅަހަށް ވަޑައިގަތުމާއެކު އެ ރަށުން ރައީސްއަށް ވަނީ ހޫނު މަރުހަބާއެއް ދަންނަވާފައެވެ.

މި ދަތުރުފުޅުގައި ކިނޮޅަހު ކައުންސިލް އިދާރާގެ އައު އިމާރާތުގެ ބިންގާ އެޅުމާއި ބޭންކް އޮފް މޯލްޑިވްސްގެ އޭޓީއެމް އެރަށުގައި ބެހެއްޓުމުގެ މަސައްކަތް އެ ރަށު ކައުންސިލާ ހަވާލުކުރުމަށް ހަމަޖެހިފައިވެއެވެ. މީގެ އިތުރުން ރަށުގެ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ މެންބަރުންގެ އިތުރަށް ރަށުގެ ރައްޔިތުންނާ ރައީސުލްޖުމްހޫރިއްޔާ ބައްދަލުކުރެއްވުމަށް ހަމަޖެހިފައިވެއެވެ.

ރ. އަތޮޅުގެ 11 ރަށަކަށް ކުރައްވަ ދަތުރުފުޅު ރައީސް ފެއްޓެވީ މިދިޔަ އަނގާރަ ދުވަހުއެވެ. މިއީ 3 ދުވަހުގެ ދަތުރުފުޅެކެވެ.