މިހާރު ކުރިއަށްދާ އޮސްޓްރޭލިއަން އޯޕަން ޓެނިސް މުބާރާތުގެ ސެމީ ފައިނަލުގެ ޖާގައެއް ސާބިއާގެ ނޯވަކް ޖޮކޮވިޗް ހޯދައިފިއެވެ.
ޖުމްލަ 24 ގްރޭންޑް ސްލޭމް މުބާރާތް ކާމިޔާބުކޮށްފައިވާ ޖޮކޮވިޗް އޭނާގެ ރެކޯޑް 25 ވަނަ ގްރޭންޑް ސްލޭމް މުބާރާތް ކާމިޔާބު ކުރުމުގެ އުންމީދުގައި މުބާރާތުގެ ސެމީ ފައިނަލުގެ ޖާގައެއް ހޯދާފައިވަނީ ޒުވާން ކާލޯސް އަލްކަރޭޒް 3 ސެޓް 1 ސެޓުން މެޗު ކާމިޔާބު ކޮށްގެންނެވެ.
މި މެޗުގެ ފުރަތަމަ ސެޓް ހަތަރެއް ހައެއްގެ ނަތީޖާއަކުން އަލްކަރޭޒް ކާމިޔާބު ކުރި ނަމަވެސް ފަހު ތިން ސެޓް ޖޮކޮވިޗް ވަނީ ހައެއް ހަތަރެއް, ހައެއް ތިނެއް އަދި ހައެއް ހަތަރެއްގެ ނަތީޖާއަކުން ކާމިޔާބުކޮށްފަ އެވެ.
ސްޕެއިން އަށް އުފަން އުމުރުން 21 އަހަރު އަލްކަރޭޒް މި މެޗުގައި އުމުރުން 37 އަހަރުގެ ޖޮކޮވިޗް އަތުން ބަލިވެފައިވާއިރު މިއީ އޭނާ ޖޮކޮވިޗް އަތުން ބަލިވި ތިންވަނަ ފަހަރެވެ.
މި މުބާރާތުގެ ސެމީ ފައިނަލުގައި ޖޮކޮވިޗް އާއި ދެކޮޅަށް ނިކުންނާނީ ޖަރުމަނުގެ އެލެކްޒެންޑަރ ޒްވެރޭވް އެވެ. އޭނާ މި މުބާރާތުގެ ސެމީ ފައިނަލުގެ ޖާގައެއް ހޯދާފައިވަނީ އެމެރިކާގެ ޓޮމީ ޕޯލް އާއި ދެކޮޅަށް ކުޅުނު މެޗު ތިން ސެޓް އެއް ސެޓުން މެޗު ކާމިޔާބު ކޮށްގެންނެވެ.