ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރ.ވާދޫއަށް ވަޑައިގެންފި

ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރ.ވާދޫއަށް ވަޑައިގެންފިއެވެ. ރައީސްއަށް މަރުހަބާ ދެއްނެވުމަށް ގިނަ އަދަދެއްގެ ރައްޔިތުން ރަށުގެ ބަނދަރު ސަރަޙައްދަށް އެއްވެފައިވެއެވެ.

ވާދޫއަށް އެމަނިކުފާނު ކުރައްވާ ދަތުރުފުޅުގައި ރަށުގެ ކައުންސިލާ އަނެއްހުންގެ ތަރައްޤީއަށް މަސައްކަތްކުރާ ކޮމިޓީ އަދި ރަށުގެ ރައްޔިތުންނާ ބައްދަލުކުރެއްވުމަށް ވަނީ ހަމަޖެހިފައެވެ. މި ބައްދަލުކުރެއްވުމުގައި ރަށުގައި ހުރި މައްސަލަތަކާއި ރަށުެގ ކުރިއެރުމަށް ބޭނުންވާ ކަންކަމާ ގުޅޭގޮތުން ކައުންސިލާއެކު މަޝްވަރާކުުރައްވާނެއެވެ.

އަދި ވާދޫގައި ބީއެމްއެލް އޭޓީއެމް ބެހެއްޓުމުގެ މަސައްކަތް ކައުންސިލްއާ ހަވާލުކުރެއްވުންވެސް ކުރިއަށްދަނެއެވެ. ރައީސްގެ މި ދަތުރުފުޅުގައި އިތުރު 3 ރަށަކަށް ވަޑައިގަންނަވާނެއެވެ. ރައީސުލްޖުމްހޫރިއްޔާ ރ.އަތޮޅަށް ފައްޓަވާފައި މިވާ 3 ދުވަހުގެ ދަތުރުފުޅުގައި 11 ރަށަކަށް ވަޑައިގަންނަވާނެއެވެ. އެގޮތުން އެމަނިކުފާނު ވަޑައިގެންނެވުމަށް ހަމަޖެހިފައިވަނީ، އަނގޮޅިތީމު، ހުޅުދުއްފާރު، އިންނަމާދޫ، ކިނޮޅަސް، މާކުރަތު، މަޑުއްވަރި، ފައިނު، ރަސްގެތީމު، ރަސްމާދޫ، އަދި އުނގޫފާރަށެވެ. ރައީސުލްޖުމްހޫރިއްޔާ މިދަތުރުފުޅުގައި މިއަދު ވަޑައިގަތުމަށް ހަމަޖެހިފައިވަނީ ރ.ވާދޫ، ރަސްގަތީމް، އަނގޮޅިތީމް އަދި އުނގޫފާރަށެވެ.

މި ދަތުރުފުޅުގައި ރައީސުލްޖުމްހޫރިއްޔާގެ އަރިހުގައި ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެވަޑައިގަންނަވައެވެ.