މިމަހުގެ 30 ވަނަ ދުވަހުގެ ފަހުން "ސިމެދަ" ޕޯޓަލް މެދުވެރިކޮށް ފޯމް ހުށަނޭޅޭނެ

ސިޔާސީ ޕާޓީތަކަށް މެންބަރުން ވެއްދުމަށް ބޭނުންކުރާ "ސިމެދަ ޕޯޓަލް" ބޭނުންކުރުން ހުއްޓާލަން ނިންމާފައިވާކަމަށް އިލެކްޝަންސް ކޮމިޝަނުން ވިދާޅުވެއްޖެވެ.

އިލެކްޝަންސް ކޮމިޝަނުން ވިދާޅުވީ، އޮންލައިންކޮށް މެމްބަރޝިޕް ފޯމް ހުށަހެޅުމަށް ގާއިމްކޮށްފައިވާ "ސިމެދަ" ޕޯޓަލް މެދުވެރިކޮށް މިމަހުގެ 30 ވަނަ ދުވަހުގެ ފަހުން ފޯމް ހުށަނޭޅޭނެކަމަށެވެ.

Link: https://t.co/JJJwxNsZch pic.twitter.com/K99UlL9ApE

— Elections Commission (@ElectionsMv) January 15, 2025

އިލެކްޝަންސް ކޮމިޝަނުން ވަނީ އަންނަ މަހުގެ 15 ވަނަ ދުވަހުން ފެށިގެން ސަރުކާރުގެ ޑިޖިޓަލް އައިޑެންޓިޓީ ނިޒާމު އީ-ފާސް މެދުވެރިކޮށް ސިޔާސީ ޕާޓީތަކުގެ ދަފްތަރުގައި ރަޖިސްޓްރީވާން އެދި ހުށައެޅޭގޮތަށް ހެދުމަށްވެސް ނިންމަވާފަވެ.

އީސީގެ ނިމެވުންތައް އިއުލާންކުރައްވާފައި މިވަނީ އޮޅުވާލައިގެން ސިޔާސީ ޕާޓީތަކަށް މީހުން ރަޖިސްޓްރީކުރަމުންދާކަމުގެ މައްސަލަތަކެއް ފެންމަތިވެފައިވާ ދަނޑިވަޅެއްގައެވެ. އީސީއިން ވިދާޅުވީ އޮޅުވާލައިގެން ޕާޓީތަކުގެ ދަފްތަރުގައި މީހުން ރަޖިސްޓްރީކުރުން ނިމުމަކަށް ގެނެވޭނީ އީ-ފާސް މެދުވެރިކޮށް ޑިޖިޓަލްކޮށް ފޯމު ހުށައަޅައިގެންކަމަށެވެ.