ކުޅިވަރު ކުރިއެރުވުމަށް ދިވެހިންކުރާ މަސައްކަތްތަށް އެހެން ގައުމުތަކުން އިތުބާރުކުރާ ކަމަށް ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ގެ ރައީސް މުޙައްމަދު ލަތީފް ވިދާޅުވެއްޖެއެވެ.
ޓީވީއެމްގެ "ހޭޔަންބޯ" ޕްރޮގްރާމްގައި ވާހަކަދައްކަވަމުން ލަތީފް ވިދާޅުވީ ލިބިލެއްވި އެންމެ ބޮޑުތަޖުރިބާއަކީ އެކި ގައުމުތަކަށް ގޮސް އެގައުމުތަކުގައި މުބާރާތްތައް ހިންގާ ގޮތާއި ކަންކަން ދަސްކުރުން ކަމަށެވެ. ދިވެހިންނަށް ބޭރުގެ ޖަމިއްޔާތަކުގެ ބޮޑެތި މަގާމުތައް ލިބިގެންދަނީ ލީޑަރޝިޕް ވަރުގަދަވުމުން ކަމަށް ވިދާޅުވިއެވެ.
ކާވާގަ ހިމެނޭ 14 ގައުމާއި ވަރަށް ގާތްގުޅުމެއް ގާއިމުކުރެވިފާވާ ކަމަށް ލަތީފް ވިދާޅުވިއެވެ. މީގެ ކުރިންވެސް ކާވާގައި ތިން ރައީސަކު މަސައްކަތް ކުރިކަމަށާއި ދިމާވި އެންމެ ބޮޑު މައްސަލައަކީ ދެމެހެއްޓެނިވި ގޮތެއްގައި މުބާރާތްތައް ބޭއްވޭނެ މަގު ތަނަވަސްވެގެން ނުދިޔުންކަމަށް ލަތީފް ވިދާޅުވިއެވެ. ތަފާތަކީ ކާވާގެ މަސައްކަތުގައި ލަތީފްއަށް ގިނަވަގުތު ދެވުންކަމަށް ވިދާޅުވިއެވެ.
"ދިވެހިން ލީޑަރޝިފާ، ކޮމިއުނިކޭޝަން ރަނގަޅުވުމާއި، ގުޅުންބަދިހިކުރުމުގެ ތެރެއިން ޓީމުތައް ގެނެސް މުބާރާތްތައް ގަވާއިދުން ބޭއްވުމަށް ދެމެހެއްޓިނިވި ކަލަންޑަރެއް ގާއިމު ކުރެވުނީމަ އަޅުގަނޑުމެން ފާހަގަކުރެވިގެން މިދަނީމުޙައްމަދު ލަތީފް
ހުސްވިއަހަރަކީ ކާވާގެ ވަރަށް ހަރަކާތްތެރި އަހަރެކެވެ. ރާއްޖޭގައި ކާވާގެ ދެ މުބާރާތެއް ނިމިދިޔަ އަހަރު ވަނީ ބާއްވަފައެވެ.