ޚަބަރު
މާލޭގެ ގެއަކުން ވަގަށްނެގި 2 މިލިއަން ރުފިޔާގެ ތަކެތި ފުލުހުން ހޯދައިފި
-
ކެމެރާ، ލެޕްޓޮޕް، ފޯނުގެ އިތުރުން ގިނަ އަދަދެއްގެ އިލެކްޓްރޯނިކް އާލާތްތައް މީގެތެރޭގައި ހިމެނޭ
ވަގަށް ނެގި ސާމާނު/ ފޮޓޯ: ޕޮލިސް
މާލޭގެ ގެއަކުން ވަގަށްނެދި 2 މިލިއަން ރުފިޔާގެ އަގުބޮޑު ސާމާނުތަކެއް ފުލުހުން ހޯދައި، އޭގެ ވެރިފަރާތާއި ހަވާލުކޮށްފިއެވެ.
ފުލުހުން ވިދާޅުވީ މިތަކެތި ވަގަށް ނަގާފައިވަނީ އިއްޔެގެ ވަގުތެއްގައި ގަލޮޅުގެ ގެއަކުންކަމަށެވެ. ވަގަށްނެގި ތަކެތީގެ ތެރޭގައި ކެމެރާ، ލެޕްޓޮޕް، ފޯނުފަދަ އިލެކްޓްރޯނިކް އާލާތްތަކާއި ގިނަ އަދަދެއްގެ ޑޮލަރުވެސް ހިމެނޭކަމަށް ފުލުހުން ވިދާޅުވިއެވެ.
ފުލުހުންގެ އިދާރާއިން ވިދާޅުވީ މިތަކެތި ހޯދާފައިވަނީ ގަލޮޅު ޕޮލިސް އިންވެސްޓިގޭޝަނާއި ރެސްޕޮންސް އެންޑް ޕެޓްރޯލް ގުޅިގެން ކުރި މަސައްކަތުންކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ