އެމެރިކާގެ ކުރީގެ ރައީސް ޖިމީ ކާޓަރ އަވަހާރަވުމާއި ގުޅިގެން ރައީސުލްޖުމްހޫރިއްޔާގެ ތަޢުޒިޔާގެ މެސެޖެއްް

އެމެރިކާގެ ކުރީގެ ރައީސް ޖިމީ ކާޓަރ އަވަހާރަވުމާއި ގުޅިގެން ރައީސުލްޖުމްހޫރިއްޔާ ތަޢުޒިޔާގެ މެސެޖެއްް ފޮނުއްވައިފިއެވެ.

ރައީސުލްޖުމްހޫރިއްޔާގެ ތައުޒިޔާގެ މެސެޖުގައި ވިދާޅުވީ ޖިމީ ކާޓަރއަކީ، ވެރިކަމުގެ ދަޢުރުގައާއި ވެރިކަމުގެ ދައުރަށްފަހުވެސް އިންސާނިއްޔަތަށް ގިނަ ޚިދުމަތްތަކެއް ކޮށްދެއްވި ބޭފުޅެއްކަމަށެވެ. އަދި ޖޭމްސް ކަރޓަރ ލީޑަރެއްގެ ގޮތުން ކުރެއްވި މަސައްކަތާއި އިންސާނިއްޔާތަކޮށްދެއްވި މަސައްކަތަކީ މިސާލެއްގެ ގޮތުގައި ބަލައިގެން ކުރިއަށްދާނެ އުއްމީދު ކުރައްވާކަމަށެވެ.
ރައީސުލްޖުމްހޫރިއްޔާގެ ތަޢުޒިޔާގެ މެސެޖުގައި ވަނީ ޖިމީ ކާޓަރގެ އާއިލާއަށާއި އެ ޤައުމުގެ ރައްޔިތުންނަށް ތަޢުޒިޔާ ވިދާޅުވެފައެވެ.

It is with deep sorrow that I learned of the passing of former President James Earl Carter Jr.

At this time of national loss, the Government and the people of the Maldives join me in extending our profound condolences to the people and the Government of the United States and,…

— Dr Mohamed Muizzu (@MMuizzu) December 30, 2024

ރައިސުލްޖުމްހޫރިއްޔާގެ ނައިބު ޙުސައިން މުޙައްމަދު ލަތީފްވެސް ވަނީ، ކާޓަރ އަވަހާރަވުމާއި ގުޅިގެން އެބޭފުޅާގެ އާއިލާއާއި އެ ޤައުމުގެ ސަރުކާރާއި ރައްޔިތުންނަށް ތަޢުޒިޔާ ވިދާޅުވެފައެވެ. ނައިބު ރައީސް ވިދާޅުވީ އިންސާނިއްޔަތަށް ހިދުމަތްކުރުމުގެ ރޮނގުން ކަރޓަރ ކޮށްދެއްވި މަސައްކަތަކީ ވަރަށް އަގުހުރި މަސައްކަތެއްކަމަށާއި ކުރިމަގުގައި އެކަންކަމުން މިސާލު ލިބިގަންނަންޖެހޭކަމަށެވެ.
އެގޮތުން އަމާންކަން ޤާއިމުކުރުމާއި މުޖުތަމަޢުގެ ލާބައާއި މަންފާއާއި އިންސާނިއްޔަތަށް ކޮށްދެއްވި މަސައްކަތްތަކަކީ އަގު ނުކުރެވޭފަދަ މުހިންމު މަސައްކަތްތަކެއްކަމަށް ނައިބު ރައީސް ވިދާޅުވިއެވެ.

ޖިމީ ކަރޓަރ އެމެރިކާގެ ރައީސްކަމުގެ މަގާމު އަދާކުރެއްވީ 1977ވަނަ އަހަރުގެ ޖަނަވަރީ މަހުން ފެށިގެން 1981ވަނަ އަހަރުގެ ޖަނަވަރީ މަހަށެވެ. ކާާޓަރ އަވަރާވީ އިއްޔެގެ ވަގުތެއްގައި ޖޯޖިޔާގައި ހުންނަ އޭނާގެ ގެކޮޅުގައެވެ. އަވަހާރަވީއިރު އުމުރުފުޅަކީ 100 އަަހަރެވެ.