ކުރީގެ މެންބަރު ޢަލީ ޙަމީދުގެ ކުންފުންޏަށް 44 މިލިޔަން ރުފިޔާ ދިން މައްސަލަ އަވަސްކުރަން އަންގައިފި
ކުރީގެ މެންބަރު ޢަލީ ޙަމީދުގެ ކުންފުންޏަކަށް ދައުލަތުން 44 މިލިއަން ރުފިޔާ ދިން މައްސަލައެއްގެ ތަޙުޤީޤު އަވަސްކުރަން ޕްރޮސެކިއުޓަރ ޖެނެރަލް ފުލުހުނަށް އަންގަވައިފިއެވެ.
ކުރީގެ މެމްބަރު ޢަލީ ޙަމީދުގެ މަޞްލަހަތު އޮންނަ ކުންފުންޏެއް ކަމަށްވާ ނޯތު ކޯސްޓް ކޮންސްޓްރަކްޝަން ޕްރައިވެޓް ލިމިޓެޑަށް ހަވާލުކޮށްފައިވާ ޕްރޮޖެކްޓަކާ ގުޅިގެން، 2023 ވަނަ އަހަރު 44 މިލިއަން ރުފިޔާދައުލަތުން ދޫކޮށްފައިވީނަމަވެސް މިހާތަނަށް އެ މަސައްކަތް ކުރިއަށް ގެންގޮސްފައިނުވާކަމަށް މަޖިލީހުގެ މާލިއްޔަތު ކޮމިޓީން ވިދާޅުވެފައިވެއެވެ. އެހެންކަމުން އެ މައްސަލަ ކޮމިޓިން ވަނީ ކަމާގުޅުންހުރި އިދާރާތަކުގެ ސަމާލުކަމަށް ގެނެސްފައެވެ.
މި މައްސަލައަކީ ދިވެހި ދައުލަތާއި، ރައްޔިތުންގެ ޢާންމު މަޞްލަހަތު މަތީ ދަރަޖައަކަށް އޮތް ޙައްސާސް މައްސަލައެއްކަމަށާއި، މި މައްސަލައަށް އިތުރު ސަމާލުކަމެއް ދެއްވައި، މައްސަލައަށް ޚާއްސަ ތަޙުޤީޤު ޓީމެއް އެކުލަވާލައި، އަވަސް މައްސަލައެއްގެ ގޮތުގައި ކުރިއަށް ގެންދެވުމަށް ފުލުހުންނަށް ދަންނަވާފައި ވާނެކަމަށް ޕީޖީ އޮފީހުން ވިދާޅުވިއެވެ.
އަދި މި މައްސަލައިގައި ހިމެނޭ ފަރާތްތަކާ ގުޅޭ މި ބާވަތުގެ އިތުރު ޕްރޮޖެކްޓެއްވާނަމަ އެކަންކަންވެސް މި މައްސަލައިގެ ތެރެއިން ތަޙުޤީޤުކުރެއްވުމަށް ދަންނަވާފައިވާނެކަމަށްވެސް ޕީޖީ އޮފީހުން ވިދާޅުވިއެވެ