ފެން ބޮޑުވެ މާލެ ފެނުއަޑީގައި، އާންމުންނާއި ދަތުރުފަތުރަށް ދަތިވެފައި
-
އެމްއެންޑީއެފުން އަންނަނީ ފެން ހިންދުމުގެ މަސައްކަތްކުރަމުން
މިހާރުކުރަމުންދާ ވިއްސާރާގައި މާލޭގައި ފެންބޮޮޑުވެ ޢާންމުންނަށް ދަތިތަކާ ކުރިމަތިވެއްޖެއެވެ.
އިއްޔެއިން ފެށިގެން މާލެއަށް އަންނަނީ މެދުނުކެނޑި ވާރޭ ވެހެމުންނެވެ. އަދި މުޅި މާލޭގައި ފެންބޮޑުވެ ޢާންމުންނަށާއި ދަތުރުފަތުރަށް ވަނީ ދަތިވެފައެވެ. މިގޮތުން މާލޭގެ އެކި ސަރަޙައްދުތަކުގައި ވަރަށް ބޮޑަށް ފެންބޮޑުވެ ބައެއް ގޭބީސީތަކާއި ފިހާރަތަކަށްވެސް ވަނީ ފެންވަދެފައެވެ. އަދި ބައެއް ތަންތަނުގައިވަނީ ވެލިބަސްތާ ޖަހާފައެވެ.
މާލޭގައި ފެންބޮޑުވެފައިވާތީ، އެމްއެންޑީއެފުން އަންނަނީ ފެން ހިންދުމުގެ މަސައްކަތްްކުރަމުންނެވެ.
އެމްއެންޑީއެފުން ވިދާޅުވީ، ބޯކޮށް ވާރޭ ވެހި މާލޭގެ ބައެއް މަގުތަކުގައި ފެންބޮޑުވުމާ ގުޅިގެން، ފެން ހިންދުމުގައި ފަޔަރ އެންޑް ރެސްކިޔު ސަރވިސްގެ ސިފައިން ހަރަކާތްތެރިވަމުންދާކަމަށާއި، މިގޮތުން ފަސް ސަރަހައްދެއްގައި 16 ޕަންޕު ބަހައްޓައިގެން، ފެން ހިންދުމުގެ މަސައްކަތްކުރަމުން އަންނަކަމަށެވެ. އެ ސަރަހައްދުތަކުގެތެރޭގައި ވެސްޓްޕާކު ސަރަހައްދު، އައިޖީއެމްއެޗް ސަރަހައްދު، ވިލިނގިލީ ފެރީ ޓަރމިނަލް ސަރަހައްދު، ދިރާގު ސަރަހައްދު، އަދި ޖެލީ ޕިއްޒާ ސަރަހައްދު ހިމެނެއެވެ.
ފެންބޮޑުވެފައިވާ ސަރަހައްދުތަކުގައި ވެލިބަސްތާ ޖެހުމުގެ މަސައްކަތް @MNDF_Official އަދި @MaleCitymv
— NDMA Maldives (@NDMAmv) December 21, 2024
އިން ވަނީ ފަށާފައި! pic.twitter.com/01wK6b86Ft
މި ހަފްތާ ބަންދުގައި މުޅި ރާއްޖެއަށްވެސް ވިއްސާރަވާނެކަމަށް ލަފާކޮށް، މޫސުމާބެހޭ ޤައުމީ އިދާރާއިން ވަނީ މޫސުމަށް ސަމާލުވެ އެ އިދާރާއިން ނެރޭ އެލާޓްތަކަށް ސަމާލުވުމަށް އިލްތިމާސްކުރައްވާފައެވެ.