ސްޕޯޓްސް ފިޝިންއަށް ޚާއްޞަ 5 ބަނދަރާއެކު ފަތުރުވެރިންކަން ފުޅާވެގެންދާނެ: ޝިޔާމް
-
ސްޕޯޓްސް ފިޝިން ކުރިއެރުވުމަކީ ރައީސްގެ ވަޢުދެއް
ރާއްޖޭގެ އެކި ސަރަޙައްދުތަކުގައި ތަރައްޤީކުރާ ސްޕޯޓްސް ފިޝިންއަށް ޚާއްޞަ ބަނދަރުތަކުގައި އެފަދަ މަސްވެރިކަން ކުރަން ބޭނުންވާނެ ހުރިހާ ވަސީލަތްތަކެއް ޤާއިމްކުރާނެކަމަށާއި، އެއީ ރާއްޖެ އަންނަ ފަތުރުވެރިންގެ ޝަޢުގުވެރިކަން އިތުރުކުރެވި، އިޤްތިޞާދަށްވެސް ފައިދާ ކުރާނެކަމެއްކަމަށް މަސްވެރިކަމާއި ކަނޑުގެ ވަސީލަތްތަކާބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. ވަޒީރު މިހެން ވިދާޅުވީ، 44 ވަނަ މަސްވެރިންގެ ދުވަސް ފާހަގަކުރުމަށް ބޭއްވި މަސްރޭސް ނިންމާލުމުގެ ރަސްމިއްޔާތުގައި ވާހަކަފުޅު ދައްކަމުންނެއެވެ. ވަޒީރު ވިދާޅުވީ ސްޕޯޓްސް ފިޝިންއަށް ޚާއްޞަ ވަސީލަތްތައް ތަރައްޤީކުރުމަކީވެސް، ރާއްޖެ އަންނަ ފަތުރުވެރިންގެ ޢަދަދު އިތުރުކުރެވޭނެކަމެއްކަމަށެވެ.
މަސްވެރިންގެ ދުވަސް ފާހަގަކުރުމަށް ބޭއްވި މަސްރޭސް ނިންމާލުމުގެ ރަސްމިއްޔާތުގައި ވާހަކަފުޅު ދައްކަމުން މަސްވެރިކަމާއި ކަނޑުގެ ވަސީލައްތަކާއި ބެހޭ ވަޒީރު އަހުމަދު ޝިޔާމް ވިދާޅުވީ މިސަރުކާރު އާއިރު، ރާއްޖޭގެ ކަޅުބިލަ މަހުގެ މަސްވެރިންނާއި ކަންނެލީގެ މަސްވެރިންނަށް ވަރަށް ބޮޑެތި ގޮންޖެހުންތަކެއް ހުރިކަމަށެވެ. އަދި މަސްވެރިކަމުގެ ސިނާއަތުގައި ހަރަކާތްތެރިވާ ކުންފުނިތަކުގައިވެސް ވަރަށް ބޮޑު ގޮންޖެހުންތަކެއް ހުރިކަން ވަޒީރު ފާހަގަކުރެއްވިއެވެ.
ޝިޔާމް ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމާއި ހަވާލުވެވަޑައިގެން އެންމެ ފުރަތަމަވެސް މަސައްކަތްކުރެއްވީ މަސްވެރިންނަށް އޮތް ދަތިތަކަށް ހައްލެއް ގެނެސްދެއްވުމަށްކަމަށެވެ. އެގޮތުން ފާއިތުވި އަހަރެއްހާ ދުވަހުގެތެރޭގައި އެފަދަ ބައެއް ގޮންޖެހުންތަަކށް ޙައްލުތަކެއް ގެނެވުނުކަން ވަޒީރު ފާހަގަކުރެއްވިއެވެ. އެގޮތުން މަސްވެރިންނަށް ނުދީ ހުރި ފައިސސާ ދިނުމާއި، ތެލުގެ އަގު ހެޔޮކުރުންފަދަ ބައެއް ކަންކަމަށް ވަޒީރު އަލިއަޅުއްވާލެއްވިއެވެ.
— Housing Development Corporation (@hdcmaldives) December 10, 2024
ވަޒީރުގެ ވާހަކަފުޅުގައި މަސްވެރިކަމުގެ ސިނާއަތު ކުރިއެރުވުމަށް ކުރާ މަސައްކަތުގައި، އެ ސިނާއަތު ސިންދަފާތުކުރުމަށް ކުރާ މަސައްކަތްވެސް ފާހަގަކުރެއްވިއެވެ. އެގޮތުން ސްޕޯޓްސް ފިޝިންއަށް ޚާއްޞަ ވަސީލަތްތައް ޤާއިމްކުރުމަކީ ރައީސުލްޖުމްހޫރިއްޔާގެ ރިޔާސީ ވަޢުދެއްކަން ތަކުރާރުކުރައްވަމުން ވަޒީރު ވިދާޅުވީ ސްޕޯޓްސް ފިޝިންއަށް ނުވަތަ މުނިފޫހިފިލުވުމަށް ކުރާ މަސްވެރިކަމަށް ޚާއްޞަ ބަނދަރުތަކެއް ތަރައްޤީކުރާނެ ސަރަހައްދުތަކެއް ކަނޑައަޅާފައިވާކަމަށެވެ. އެތަންތަން ތަރައްޤީކުރުމަށް މަސައްކަތްކުރައްވަމުން އަންނަކަމަށާއި، އެއީ ރާއްޖެ އަންނަ ފަތުރުވެރިންވެސް އިތުރުކުރެވޭނެކަމެއްކަމަށާއި، އެކަމުން އިޤްތިޞާދަށްވެސް ފައިދާތަކެއް ކުރާނެކަމަށް ވަޒީރު ވިދާޅުވިއެވެ.
"އަޅުގަނޑުމެން ވަނީ ރާއްޖޭގެ އެކި ކަންކޮޅުތަކުން ތަންތަން އައިޑެންޓިފައިކޮށްފައި. އިރާދަކުރެއްވިއްޔާ މި ހާބަރތައް ތަރައްޤީ ވެގެންދާއިރުގައި މިގޮތައް ސްޕޯޓްސް ފިޝިންގައި ހަރަކާތްތެރިވާ ލޯކަލް ސްޕޯޓްސް ފިޝިންގެ ކޮމިއުނިޓީއަށް ފައިދާތަކެއްވާނެ. މީގެ އިތުރުން ދިވެހިރާއްޖެއަކީ ހަމައެކަނި ގުދުރަތީ ރީތި މި ސަންޝައިން ބީޗްސްގެ އިތުރުން ދިވެހިރާއްޖެއަށް ފަރުމަސްވެރިކަން ކުރަން މިހާރުވެސް ފަތުރުވެރިން އާދެ. އެހެންނަމަވެސް ދުނިޔޭގެ ކޮމިއުނިޓީ ސަމާލުކަން އިރާދަކުރެއްވިއްޔާ މިދެއްނެވި ސްޕޯޓްސް ފިޝިން ހާބަރތައް ތަރައްގީކުރެވުނީމައި ފަތުރުވެރިން އިތުރުވެ މި ކޮމްޕޯނެންޓަކީ ރާއްޖޭގެ އިކޮނޮމީއަށް އެހީތެރިވެދޭނެ ސެކްޓަރއަކަށް ވެގެން ދާނެ" މަސްވެރިކަމާބެހޭ ވަޒީރު ވިދާޅުވިއެވެ.
Time’s up! 🎉 The competition has officially ended, and teams are heading back. Judges are tallying up the catches, and the winners will be announced shortly. Stay tuned! 🏆🐠 #FishermensDayFinale #FishermensDay #MasRace2024 @MACLmedia @hdcmaldives @OoredooMaldives pic.twitter.com/f8ViJUur41
— Ministry of Fisheries and Ocean Resources (@MFORmv) December 10, 2024
ސްޕޯޓްސް ފިޝިންއަކީ މިހާރު ދިވެހި ޒުވާނުންގެ މެދުގައި މަޤުބޫލުވަމުން އަންނަ ހަރަކާތެކެވެ. އެހެންކަމުން ސްޕޯޓްސް ފިޝިން ބަނދަރުތައް ތަރައްޤީކުރުމަކީ ރައީސުލްޖުމްހޫރިއްޔާވެ ވަޢުދެކެވެ. އެ ބަނދަރުތައް ތަރައްޤީކުރާނެ ފަސް ސަރަހައްދެ މިހާރު ވަނީ ކަނޑައަޅާފައެވެ. މި ބަނދަރުތައް ތަރައްޤީކުރުމަށް ހަމަޖެހިފައިވަނީ މަހުގެ ވިޔަފާރިކުރާނެ ގޮޅިތަކާއި މުބާރާތްތައް ރާވާ ހިންގާނެ އިދާރީ އޮފީހާއި، ރެސްޓޯރަންޓް އަދި ކެފޭތަކާއި މަސްވެރިކަމާއި ގުޅޭ ތަކެތި ވިއްކާ އަދި ހިދުމަތްދޭ ތަންތަނާއި، ބާބަކިޔު ހެދޭނެ އިންތިޒާމްތަކާވެސްއެކުއެވެ.
ވަޒީރު ޝިޔާމް ވިދާޅުވީ ސްޕޯޓްސް ފިޝިން ބަނދަރުތަކެއް ތަރައްޤިކުރެވިއްޖެނަމަ އެފަދަ މަސްވެރިކަންކުރާ ފަރާތްތަކަށް ހުރި ދަތިތަކަށް ބޮދު ހައްލެއް ލިބޭނެކަމަށެވެ.
ސްޕޯޓްސް ފިޝިންގއާއި ފަރުމަހުގެ މަސްވެރިކަން އިތުރަށް ފުޅާކުރުމަށް ސަރުކާރުން މަސައްކަތްކުރަމުންދާއިރު، މިއީ މަސްވެރިކަމާއި އިޤްތިޞާދީ މަސައްކަތްތައް ފުޅާކޮށް، އެކަމުން ލިބޭ އާމްދަނީ އިތުރުކުރުމަށް ސަރުކާރުން ކުރާ މަސައްކަތްތަކެެކެވެ.