ބަލްކު ޓްރާންސްފަރގެ ޚިދުމަތް ދެމުން އަންނަނީ އުސޫލުތަކާއި އެއްގޮތަށް: ބީއެމްއެލް
-
700 މިލިއަން ރުފިޔާ އޯވަރޑްރާފްޓެއް އާންމު އުސޫލުތަކާއި ހިލާފަށް ދޫނުކުރޭ
ބޭންކް އޮފް މޯލްޑިވްސްއިން 700 މިލިއަން ރުފިޔާ އޯވަރޑްރާފްޓެއް އާންމު އުސޫލުތަކާއި ހިލާފަށް ދޫކޮށްފައިވާކަމަށް ބުނެ ފަތުރަމުންދާ ވާހަކަތައް އެ ބޭންކުން ދޮގުކޮށްފިއެވެ.
މިކަން ދޮގުކޮށް ނެރުނު ބަޔާނެއްގައި ބީއެމްއެލްއިން ބުނީ އޮންލައިން ނޫހެއްގައި އެ ބޭންކްގެ އިތުބާރު ގެއްލޭ ފަދަ ގޮތަށް ހަބަރު ޝާއިރުކޮށްފައިވާތީ އެކަން ކުށްވެރި ކުރާ ކަމަށެވެ.
ބީއެމްއެލް ބުނީ ބޭންކުން ކަސްޓަމަރުންނަށް ހިދުމަތް ދެމުން އަންނަނީ ބޭންކިން ގާނޫނާއި އެ ގާނޫނުގެ ދަށުން ހެދިފައިވާ ގަވާއިދުތަކާއި އިންޓަރނޭޝަނަލް ބެސްޓް ޕްރެކްޓިސްތަކާއި އެއްގޮތްވާ ގޮތުގެ މަތީން ކަމަށެވެ. މިގޮތުން ބަލްކް ޓްރާންސްފާރގެ ހިދުމަތް ސަރުކާރުގެ އިދާރާތަކާއި ކުންފުނިތަކާއި އަމިއްލަ ކުންފުނިތަކާއި ވިޔަފާރިތަކަށް ދެމުން އަންނަނީ އާންމު އުސޫލުތަކާއި އެއްގޮތަށް ކަަމަށްވެސް އެ ބަޔާނުގައިވެއެވެ.
ބީއެމްއެލްއިން ބުނީ އެބޭންކްގެ އެންމެ މަތީ މަސްލަހަތަކީ ޑިޕޮސިޓަރުންގެ ރައްކާތެރި ކަންކަމަށާއި ބޭންކުން އަބަދުވެސް އަމަލުކުރަމުންދާނީ ބޭންކުން އަމަލުކުރަމުންދާ ހަރުދަނާ އުސޫލުތަކާއި އެއްގޮތަށް ކަމަށެވެ.