މުސާރަ ނުދޭ ކަމަށް ބުނެ މުލިއާގެ ކައިރިއަށް އެއްވި 55 ބިދޭސީން އިމިގްރޭޝަނުގެ ބެލުމުގެ ދަށަށް
-
އެއްވީ އިންޑިއާގެ 38 މީހުންނާއި ބަންގްލަދޭޝްގެ 17 މީހުން
މުސާރަ ނުލިބޭ ކަމަށްބުނެ މުލިއާގެ ކައިރިއަށް މިއަދު އެއްވި 55 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
ފުލުހުން ވިދާޅުވީ މުސާރަ ނުދޭ ކަމަށް ބުނެ ބިދޭސީންތަކެއް މުލިއާގެއާ ހިސާބުގައި ހިތްހަމަނުޖެހުން ފާޅުކުރަމުންދާ މައްސަލައަކާ ގުޅިގެން ފުލުހުން އެތަނަށް ދިުަކަމަށެވެ. އަދި މި މައްސަލާގައި އެ ސަރަޙައްދަށް އެއްވި ބިދޭސީން މިހާރު އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށް ފުލުހުން ވިދާޅުވިއެވެ. އޭގެ ތެރޭގައި ހިމެނެނީ އިންޑިއާގެ 38 މީހުންނާއި ބަންގްލަދޭޝަށް ނިސްބަތްވާ 17 މީހުން ކަމަށާއި، އެ އެންމެން އިމިގްރޭޝަނބްގެ ބެލުމުގެ ދަށަށް ގެންގޮސްފައިވާކަމަށް ފުލުހުން ވިދާޅުވެއެވެ.
ބިދޭސީން ރާއްޖެ ގެނައުމަށް ފަހު މަސައްކަތް ކުރުވައި، މުސާރަ ނުދޭ މައްސަލައަކީ އާންމު މައްސަލައެކެވެ. އެފަދަ މައްސަލަތަކުގައި މީގެ ކުރިން ވެސް ބިދޭސީން އެއްވުންތައް ބާއްވައި މުޒާހަރާކޮށްފައިވެއެވެ. މިފަދަ މައްސަލަތައް ހައްލުކުރުމަށް ސަރުކާރުން އަންނަނީ ޚާއްސަ މަސައްކަތްތަކެއް ކުރައްވަމުންނެވެ.