ހުޅުމާލެ ދެވަނަ ފިޔަވަހީގަ ބިދޭސީއަކަށް ހަމަލާދީ ފޭރުނު މީހަކު ހައްޔަރުކޮށްފި

ހުޅުމާލެ ދެވަނަ ފިޔަވަހީގައި ބީދޭސީއަކަށް ހަމާލާދީ ފޭރިގަތް މައްސަލައެއްގައި މީހަކު ހައްޔަރުކޮށްފިއެވެ.

މިމައްސަލަ ފުލުހުންނަށް ހުށަހަޅާފައިވަނީ މިމަހުގެ 4 ވަނަ ވަހުގައެވެ. މިމައްސަލައިގަ ހުޅުމާލެ ދެވަނަ ފިޔަވަހީގެ ހިތިގަސްމަގުން ބިދޭސީ މީހާއަށް ވަޅިއަކުން ހަމަލާދީ މާރާމާރީވަނީ ހިންގައި އެމީހާގެ އަތުގައި އޮތް ފޯނެއް ފޭރިގަނެފައިވާ ކަމަށް ފުލުހުން ވިދާޅުވިއެވެ.

މިމައްސަލައިގައި އަނިޔާވީ ބިދޭސީ މީހާއަށް އެޗް-16 ޓަވަރުގެ ކްލިނިކުގައި ވަނީ ފަރުވާދީފައެވެ.

ފުލުހުން ވިދާޅުވީ މިމައްސަލައިގައި ތުހުމަތުވާ މީހާ ހޯދުމަށް ސީސީޓީވީ ފުޓޭޖް ބަލައިގެން އޭނާ ހޯދައި ހައްޔަރުކޮށްފައިވަނީ ބުދަ ދުވަހުގެ ވަގުތެއްގައެވެ. އަދި މައްސަލައާއި ގުޅިގެން އިތުރު ހޯދުމުގެ މަސައްކަތް ކުރަމުންދާ ކަމަށް ފުލުހުން ވިދާޅުވިއެވެ.

މިމައްސަލާގައި ހައްޔަރުކޮށްފައިވަނީ، ހއ. މާރަންދުއަށް އުފަން އުމުރުން 40 އަހަރުގެ އިބްރާހިމް މުހައްމަދުއެވެ. ފުލުހުން ވިދާޅުވީ އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން ތަހުގީގު މަރުހަލާ ނިމެންދެން އޭނާ ބަނދުގައި ބެހެއްޓުމަށް ކޯޓުން އަމުރުކޮށްފައިވާކަމަށެވެ.

ފުލުހުން ދަނީ މިމައްސަލަ ތަހުގީގު ކުރަމުންނެވެ.