ކުޅިވަރުގެ ދިގު ރާސްތާ ފްލޭނުން ކުރިއަށްދާންވީ މަގު ސާފުކޮށް ފެންނާނެ: ކޮމިޝަނަރ އޮފް ސްޕޯޓްސް
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހާއްސަ އިސްކަމެއް ދެއްވާ، ކުޅިވަރާއި ބެހޭ ވުޒާރާއިން އެކުލަވާލި ކުޅިވަރުގެ ދިގު ރާސްތާ ޕްލޭނަކީ ކުޅިވަރު ކުޅުންތެރިންނާއި ކޯޗުންނާއި އެސޯސިއޭޝަންތަކަށްވެސް ގިނަ ފުރުސަތުތަކެއް ފަހި، ކުރިޔަށްދާންވީ މަގު ސާފުކޮށް ފެންނާނެ ޕްލޭނެއް ކަމަށް ކޮމިޝަނަރ އޮފް ސްޕޯޓްސް މުޙައްމަދު ޠަލާލް ވިދާޅުވެއްޖެއެވެ.
ކުޅިވަރާއި ހަށިހެޔިކަމާއިބެހޭ ވުޒާރާއިން އާންމުކުރި ކުޅިވަރުގެ ދިގު ރާއްސާ ޕްލޭން އާންމުކުރުމަށް ބޭއްވި ރަސްމިއްޔާތުގައި "ޕީއެސްއެމް ސްޕޯޓްސް" އާއި ވާހަކަ ދައްކަވަމުން ޠަލާލް ވިދާޅުވީ ކުޅިވަރުގެ ދިގު ރާސްތާ ޕްލޭނެއް އެކުލަވާލި އިރު، މީގެ ހަގީގީ މޭސްތިރިންނަކީ އަދި ސްޓޭކް ހޯލްޑަރުންނަކީވެސް ކުޅިވަރު ޖަމިއްޔާތަކާއި، ކުލަބުތަކާއި، ކުޅުންތެރިންނާއި ކޯޗުން ކަމަށެވެ.
"މި ޕްލޭނުގެ އެންމެ ހަގީގީ މޭސްތިރިއަކަށްވެސް އަދި ސްޓޭކް ހޯލްޑަރަކަށް ވާނީ، އެމީހުންނަށް ޑިވެލޮމްޕަންމްޓާއި ގެންދާނެ ގޮތާއި އެމީހުންގެ ތަމްރީނު ޕްރޮގްރާމްތަކަށް ފޯކަސްކުރެވިފައި ހުރީ. އެހެންވީމަ ކުޅުންތެރިންނާއި ކޯޗުންނަށް ވަރަށް ގިނަ ފުރުސަތުތަކެއް ފެންނާނެ އަދި އެމީހުން ކުރިޔަށްދާންވީ މަގު ވަރަށް ސާފުކޮށް ފެންނާނެ. ރައީސްގެ ޓާގެޓަށް ވާސިލުވުމުގައި ވަރަށް މުހިންމު ރޯލެއް ކުޅޭނެ ޕްލޭނެއް މީމުޙައްމަދު ޠަލާލް - ކޮމިޝަނަރ އޮފް ސްޕޯޓްސް
ޠަލާލް ވިދާޅުވީ، މީ ކުޅިވަރުގެ ހަޔާތުގައި ލިބޭ ވަރަށް އުފާވެރި ވަރަށް އުންމީދު ކުރަމުން އައި ކަމެއް ކަަމަށެވެ. އަދި އެންމެ ފުރަތަމަ ރައީސް މި ޕްލޭން ހެއްދެވުމުގެ ވިސްނުން ގެންގުޅުއްވި ހިސާބުންވެސް ހިތްހަމަ ޖެހުން ލިބިގެން ދިޔަ ކަމަށް ޠަލާލް ވިދާޅުވިއެވެ.
އަދި ކުޅިވަރާއި ހަށިހެޔޮކަމާއި ބެހޭ ވަޒީރު، އަބުދުﷲ ރާފިއު ރައީސްގެ ވިސްނުންފުޅާ އެއްގޮތަށް މިކަން އިމްޕްލިމެޓް ކުރުމުގެ މަސައްކަތް ފެއްޓެވި ހިސާބުން ވަރަށް އުފާވެރިކަން އިހުސާސް ކުރެވިގެން ދިޔަ ކަމަށް ކޮމިޝަނަރ އޮފް ސްޕޯޓްސް ވިދާޅުވިއެވެ.
ޠަލާލް ވިދާޅުވީ، ސަރުކާރުން އާންމުކުރެއްވި ކުޅިވަރުގެ ދިގު ރާސްތާ ޕްލޭންގެ ސަބަބުން ވަރަށް ހިތްހަމަޖެހުން ލިބިގެންދިޔަ ކަމަށާއި، މިއީ ކުޅިވަރަށް ވަރަށް ގިނަ ފައިދާތަކެއް ކުރާނެ ޕްލޭނަކަށް ވާނެ ކަމަށެވެ.