ޖުމްހޫރީ ދުވަހުގެ ތަހުނިޔާ ސިޔާސީ ލީޑަރުން ފޮނުއްވައިފި

ޖުމްހޫރީ ދުވަހުގެ ތަހުނިޔާ ރާއްޖޭގެ ހުރިހާ ރައްޔިތުންނަށް ރާއްޖޭގެ ބައެއް ސިޔާސީ ލީޑަރުން ފޮނުއްވައިފިއެވެ. ޖުމްހޫރީ ދުވަސް ރާއްޖޭގައި ފާހަގަ ކުރަނީ ދެވަނަ ޖުމްހޫރިއްޔާގެ ފުރަތަމަ ވެރިކަން ފެށުނު ދުވަހާ ދިމާކޮށެވެ.

ޖުމްހޫރީ ދުވަހާއި ގުޅިގެން ރައީސުލްޖުމްހޫރިއްޔާގެ ނައިބު އަލްއުސްތާޛު ހުސެއިން މުހައްމަދު ލަތީފް ފޮނުއްވި ތަހުނިޔާ މެސެޖުގައި، ދުވެހުގެ ތަހުނިޔާ އަދި ހެޔޮއެދުންތައް ރައީސުލްޖުމްހޫރީއްޔާއަށާއި ދިވެހި ހުރިހާ ރައްޔިތުންނަށް ވަނީ ފޮނުއްވަވާފައެވެ.

🇲🇻
ޖުމްހޫރީ ދުވަހުގެ ހެޔޮއެދުމާއި ތަޙުނިޔާ ރާއްޖޭގެ ލޮބުވެތި އެންމެހައި ރައްޔިތުންނަށް އަރިސްކުރަން. pic.twitter.com/QdS5ILYDUv

— Hussain Mohamed Latheef (@HucenSembe) November 10, 2024

މި ދުވަހާއި ގުޅިގެން ކުރީގެ ރައީސް، ނ.ޢ.ޢ.ވ އަލްއުސްތާޛް މައުމޫން އަބްދުލްޤައްޔޫމް ސޯޝަލް މީޑިއާގައި ކުރެއްވި ޕޯސްޓެއްގައި އެމަނިކުފާނުވެސް ދިވެހި ހުރިހާ ލޮބުވެތި ރައްޔިތުންނަށް ދުވަހުގެ ތަހުނިޔާ ވަނީ ފޮނުއްވާފައެވެ.

ދިވެހިރާއްޖޭގެ އުފާވެރި ޖުމްހޫރީދުވަހުގެ އިޚްލާޞްތެރި ތަހުނިޔާ ލޮބުވެތި އެންމެހާ ދިވެހި ރައްޔިތުންނަށް ދަންނަވަން. މައުމޫން-ނަސްރީނާ

— Maumoon Abdul Gayoom (@maumoonagayoom) November 11, 2024

ކުރީގެ ރައީސް މުހައްމަދު ނަޝީދު ދުވަހާއި ގުޅިގެން ކުރެއްވި ޕޯސްޓުގައި ދުވަހުގެ ތަހުނިޔާ ފޮނުއްވަވައި ވިދާޅުވީ، ޖުމްހޫރީއްޔަތެއްގެ އެންމެ ބޮޑު އަސާސަކީ ރައްޔިތުންގެ ރުހުމާއި ބައިވެރިވުން ހިމެނޭ ވެރިކަމުގެ ނިޒާމެއް ބިނާކުރުން ކަމަށެވެ.

Jumhooree dhuvahuge thahniya. Jumhooriyathehge enme bodu eh asaasakee rayyithunge ruhumaai baiverivun himeney verikamuge nizam eh binaakurun.

— Mohamed Nasheed (@MohamedNasheed) November 11, 2024

ދުވަހުގެ ތަހުނިޔާ ފޮނުއްވަވަވައީ ކުރީގެ ރައީސް އިބްރާޙީމް މުހައްމަދު ޞާލިޙު ވިދާޅުވީ، ޖުމްހޫރިއްޔަތެއްގައި ބާރުތައް ފެށެނީ ރައްޔިތުންގެ ކިބައިން ކަމަށެވެ. އެހެންކަމުން ޤައުމުގެ އެންމެހާ ކަންކަމުގައި ރައްޔިތުންނަށް ލިބިދީފައިވާ ބާރުތައް ދެމެހެއްޓުމަކީ ޖުމްހޫރިއްޔަތެއްގެ އެންމެ މުހިއްމު އަސާސްކަމަށް އެމަނިކުފާނު ވިދާޅުވިއެވެ.

އުފާވެރި ޖުމްހޫރީ ދުވަހުގެ ތަހުނިޔާއާ ހެޔޮއެދުންތައް ލޮބުވެތި ރައްޔިތުންނަށް އަރިސްކުރަން. ޖުމްހޫރިއްޔަތެއްގައި ދައުލަތުގެ ބާރުތައް ފެށެނީ ރައްޔިތުންގެ ކިބައިން. އަދި ޤައުމުގެ އެންމެހާ ކަންކަމުގައި ރައްޔިތުންނަށް ލިބިދީފައިވާ ބާރުތައް ދެމެހެއްޓުމަކީ ޖުމްހޫރިއްޔަތެއްގެ އެންމެ…

— Ibrahim Mohamed Solih (@ibusolih) November 11, 2024

ސިޔާސީ ލީޑަރުންގެ އިތުރުން ސަރުކާރުގެ ވަޒީރުންނާއި އެކި ބޭރު ޤައުމުތަކުގެ ފަރާތްތައްވެސް ދަނީ ދިވެހިރާއްޖޭގެ ޖުމްހޫރީ ދުވަހުގެ ތަހުނިޔާތައް ފޮނުއްވަމުންނެވެ.