ޚަބަރު
ފުވައްމުލަކު ސިޓީން ގެއްލުނު ކުއްޖާ ފެނިއްޖެ، ހާލު ރަނގަޅު
-
ކުއްޖާ ގެއްލުނީ ހަވީރު
-
ކުއްޖާ ހޯދުމަށް ރަށުގެ ރައްޔިތުން ނިކުމެފައިވޭ
ފުވައްމުލައް ސިޓީ. ފޮޓޯ:ޕީއެސްއެމް
ފުވައްމުލަކު ސިޓީން ގެއްލުނު 4 އަހަރުގެ ފިރިހެން ކުއްޖާ ފެނިއްޖެއެވެ.
ފުވައްމުލަކު ސިޓީގެ ފްލެޓްތައް ހިމެނޭ ސަރަހައްދުން ގެއްލުނު ކުއްޖާ ފެނިފައިވަނީ ހަމަ އެސަރަޙައްދުގެ އެހެން ފްލެޓެއްގެ ތެރެއިންކަމަށް ފުވައްމުލައް ސިޓީގެ މޭޔަރު އިސްމަޢީލް ރަފީޤް ވިދާޅުވިއެވެ. އަދި ކުއްޖާގެ ޙާލަތު ރަނގަޅުކަމަށް މަޢުލޫމާތު ލިބެއެވެ.
ކުއްޖާ ގެއްލިގެން އާއިލާއިން ފުލުހަށް ރިޕޯޓްކުރީ މިއަދު ހަވީރު 17:00 ހާއިރުއެވެ. ކުއްޖާ އެންމެ ފަހުން ފެނުނީ މިއަދު 16:45 އެހައިކަންހާއިރު، ފުވައްމުލައް ދިގުވާޑު ފުލެޓް ނަންބަރު 02ޖީ18 ފުލެޓް ފަހަތުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ