ޚަބަރު
އައްޑޫ ސިޓީ ހިތަދޫގައި މިރޭ 3 އެކްސިޑެންޓް، 7 މީހުންނަށް އަނިޔާވި
-
އެއްވެސް މީހަކަށް ބޮޑު އަނިޔާއެއް ނުވޭ
-
6 ފިރިހެނުންނާ 1 އަންހެނަކަށް އަނިޔާވި
އައްޑޫ ލިންކް ރޯޑު
ފޮޓޯ:
އައްޑޫ ސިޓީ ހިތަދޫގައި މިރޭ ހިނގި 3 އެކްސިޑެންޓެއް ހިނގާ، 7 މީހުންނަށް އަނިޔާވެފައިވާކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ އަނިޔާވި ހަތް މީހުންނަށް އައްޑޫ އެކުއެޓޯރިއަލް ހޮސްޕިޓަލްގައި ފަރުވާދެމުންދާކަމަށެވެ. އޭގެތެރޭގައި ހިމެނެނީ 6 ފިރިހެނުންނާ އެއް އަންހެނެކެވެ. އެއްވެސް މީހަކަށް ސީރިއަސް އަނިޔާއެއް ލިބިފައިނުވާކަމަށް ހޮސްޕިޓަލާ ހަވާލާދީ ފުލުހުން ވަނީ ވިދާޅުވެފައެވެ.
ފުލުހުން ވިދާޅުވީ މިއިން ކޮންމެ އެކްސިޑެންޓެއްވެސް ހިނގާފައިވަނީ ދެ ސައިކަލު ޖެހިގެންކަމަށެވެ. 3 އެކްސިޑެންޓްގެ ތެރެއިން، ދެ 2 އެކްސިޑެންޓް ހިނގި ސރަޙައްދަށް ފުލުހުން ދިޔައިރު ސީން ރޫޅާލާފައިވާކަމަށް ފުލުހުން ވަނީ ވިދާޅުވެފައެވެ.
އައްޑޫގައި ހިނގި އެ އެކްސިޑެންޓްގެ މައްސަލަތައްވެސް ފުލުހުން ދަނީ ބަލަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ