ބިޒްނަސް ސެންޓަރު އިމާރާތްކުރުމުގެ މަސައްކަތް މުވައްޒަފުން ކުރުމުން 13 މިލިޔަން ސަލާމަތްވި: ފަހުމީ
-
މިއީ 2 ފަންގިފިލާގެ އިމާރާތެއް
-
އެ ތަން ތަރައްޤީ ކުރަނީ އިންޖީނުގެއަކަށް ބޭނުންވާ ހުރިހާ ސާމާނު އެއްތަނަކުން ލިބޭގޮތަށް
ސްޓެލްކޯއިން ހުޅުވާ ބިޒްނަސް ސެންޓަރުގެ މަސައްކަތް އެ ކުންފުނީގެ މުވައްޒަފުން ކުރުމުން ގާތްގަނޑަކަށް 13 މިލިޔަނެއްހާ ރުފިޔާ ސަލާމަތް ކުރެވިފައިވާކަމަށް އެ ކުންފުނީގެ މެނޭޖިން ޑިރެކްޓަރ ހުސައިން ފަހުމީ ވިދާޅުވެއްޖެއެވެ.
ބިޒްނަސް ސެންޓަރު ތަރައްޤީކުރަނީ އިންޖީނުގެއަކަށް ބޭނުންވާ ހުރިހާ ސާމާނު އެއްތަނަކުން ލިބޭގޮތަށެވެ. އެތަނުގެ މަސައްކަތް ފަށާފައިވަނީ މިދިޔަ ޖުލައި މަހުގައެވެ.
ސްޓެލްކޯގެ މެނޭޖިން ޑިރެކްޓަރ ހުސައިން ފަހުމީ ވިދާޅުވީ ރައީސް ޑރ. މުހައްމަދު މުއިއްޒުގެ ދުރުވިސްނުމާއި ލީޑަޝިޕްގެ ދަށުން ސްޓެލްކޯ ބިޒްނަސް ސެންޓަރު ހެދުމުގެ މަަސައްކަތް ނިމުމަކާ ހަމަޔަށް އައިސްފައިވާކަމަށެވެ. އަދި، ސްޓެލްކޯގެ މުވައްޒަފުން އެ ތަން ހެދުމުގެ އަމަލީ މަސައްކަތް ކުރާތީ، އެ މަސައްކަތުން 13 މިލިއަނެއްހައި ރުފިޔާ ސަލާމަތްވި ކަމަށް ފަހުމީ ވިދާޅުވިއެވެ.
Under the visionary leadership of His Excellency President @MMuizzu , the @STELCOMALDIVES Business Centre is nearing completion. This two-story, 7,500-square-foot building, constructed by our dedicated Stelco staff, stands as a testament to their hard work and expertise. Thanks… pic.twitter.com/M9MwBM4C7V
— Hussain Fahmy (@HussainFahmy09) October 17, 2024
ފަހުމީ ވިދާޅުވީ ސްޓެލްކޯގެ މި ސެންޓަރުން އިންޖީނާއި، ޓްރާންފޯމަރުތަކާއި، ކޭބަލްތަކުގެ އިތުރުން ސްޓޯރޭޖް ސިސްޓަމްތައް އަދި އިޔާދަކުރަނިވި ހަކަތައާ ގުޅޭ ސާމާނު ވެސް ލިބެން ހުންނާނެކަމަށެވެ. މި ސެންޓަރާ އެކު އިމަޖެންސީ ހާލަތްތަކަށް ރާއްޖެ ފުރިހަމައަށް ތައްޔާރަށް އޮތްކަން އޭނާ ފާހަގަ ކުރައްވައިފައެވެ.
ސްޓެލްކޯގެ ބިސްނަސް ސެންޓަރަކީ 7،500 އަކަފޫޓުގެ ދެ ފަންގިފިލާ އިމާރާތެކެވެ. ސްޓެލްކޯގެ އިމާރާތުގައި މިހާރު ހުންނަ ފިހާރަ ކަސްޓަމާ ކެއާއަށް ޚާއްސަކޮށް، އެ ޚިދުމަތް ފުޅާކުރުމަށް ނިންމާފައިވާ ކަމަށް ފަހުމީ މީގެ ކުރިން ވެސް ވިދާޅުވެފައިވެއެވެ.