ޔުއެފާ ޗެމްޕިއަންސް ލީގުގައި މިރޭ ޖަރުމަނުގެ އާރްބީ ލައިޕްޒީގާ ދެކޮޅަށް ނުކުންނައިރު، އެ ޓީމަކީ ކުޅެން އުނދަގޫ ޓީމެއް ކަމަށް އެތުލެޓިކޯ މެޑްރިޑުގެ ކޯޗު ޑިއެގޯ ސިމިއޯނީ ބުނެފިއެވެ.
އެތްލެޓިކޯ މެޑްރިޑްގެ ދަނޑުގައި ކުޅޭ މި މެޗަށް މި ދެޓީމު އެންމެ ފަހުގެ ތައްޔާރީތައް ބާއްވާފައިވާއިރު, ސިމިއޯނޯ ބުނެފައިވަނީ ލެއިޕްޒިގް އަކީ ހިތްވަރުގަދަ ޓީމެއް ކަމަށާއި އަދި އެންމެ ފަހުން ލީގުގައި ލެވަކޫސަން އާއި ދެކޮޅަށް އެ ޓީމުން ކުޅުނުއިރު ފެނުނީ ތަފާތު ގޮތަކަށް ކަމަށާއި އަދި ޔޫނިއަން ބަރލިން އާއި ދެކޮޅަށް ފެނިގެން ދިޔައީ އެޓޭކިން ޓީމެއްގެ ގޮތުގައި ކަމަށެވެ. އެހެންކަމުން އެ ޓީމަކީ ކުޅެން އުނދަގޫ ވާނެ ޓީމެއް ކަމަށް އޭނާ ވަނީ ބުނެފައެވެ.
ސިމިއޯނީ އިތުރަށް ބުނެފައިވަނީ ތަފާތު ފޯމެޓަކަށް ޗެމްޕިއަންސް ލީގު މިފަހަރު ކުރިއަށް ގެންދާއިރު މި މުބާރާތަކީ ހުރިހާ ކްލަބެއްވެސް ވާދަކުރަން ބޭނުންވާ މުބާރާތެއް ކަމަށާއި އަދި ކާމިޔާބީ ހޯދުމަށް ކޮންމެ މެޗަކުންވެސް ތިން ޕޮއިންޓް ހޯދުމަކީ މުހިންމު ކަމެއް ކަމަށެވެ.
ގްރޫޕް ސްޓޭޖް އުވާލާ ލީގު އުސޫލުން ކޮންމެ ޓީމެއްވެސް އަށް މެޗު ކުޅޭ ގޮތަށް ޗެމްޕިއަންސް ލީގުގެ ފޯމެޓް ބަދަލުކޮށްފައިވާއިރު, ފުރަތަމަ ބުރު ނިމޭއިރު 24 ޕޮއިންޓް ހޯދުމުގެ ފުރުސަތު ޓީމުތަކަށް ލިބިފައިވާއިރު އޭގެ ތެރެއިން 20 ޕޮއިންޓް ހޯދައިފިނަމަ ދެވަނަ ބުރުގެ ޖާގައެއް ލިބިގެންދާނެ ކަމަށެވެ.
މިރޭގެ މެޗަށް އެތްލެޓިކޯ މެޑްރިޑް ނިކުންނައިރު އެހެން އަހަރު ތަކާއި ހިލާފަށް އެ ޓީމުން ވަނީ މި ސީޒަނަށް ޓީމު އިތުރަށް ވަރުގަދަ ކުރުމުގެ ގޮތުން 200 މިލިއަން ޔޫރޯއަށް ވުރެ ބޮޑު އަދަދެއް ހޭދަކޮށް ގިނަ ކުޅުންތެރިންތަކެއް ހޯދާފަ އެވެ. އެގޮތުން އިންގްލޭންޑްގެ ކޮނޯ ގަލެގާ އާއި އާޖެންޓީނާގެ ހޫލިއަން އަލްވަރޭޒް ހިމެނެ އެވެ.