އިޓަލީގެ ރޯމާގެ ޑިފެންޑަރު ކްރިސް ސްމޯލިން، ދެ އަހަރު ދުވަހުގެ އެއްބަސްވުމެއްގެ ދަށުން ސައުދީ ޕްރޯ ލީގުގެ ކުލަބު އަލް ފައިހާއަށް ސޮއިކޮށްފިއެވެ.
އުމުރުން 34 އަހަރުގެ އިނގިރޭސި ޑިފެންޑަރ އިޓަލީގެ ރޯމާ އަށް ބަދަލު ވެފައިވަނީ 2019 ވަނަ އަހަރު މެންޗެސްޓަރ ޔުނައިޓެޑުންނެވެ. އޭނާ ވަނީ ރޯމާ އަށް 155 މެޗު ކުޅެ 10 ގޯލު ކާމިޔާބު ކޮށްދީފަ އެވެ. އަނިޔާގެ ސަބަބުން މިދިޔަ ސީޒަނުގައި އެންމެ 12 މެޗު ކުޅެފައިވާ ސްމޯލިން އަދި މި ސީޒަނުގައި ރޯމާ އަށް މެޗެއް ކުޅެފައެއް ނުވެއެވެ.
ސްމޯލިން ވަނީ 2022 ވަނަ އަހަރު ފެނޫޑް ބަލިކޮށް ޔޫރޮޕާ ކޮންފަރެންސް ލީގު ރޯމާ އިން ކާމިޔާބު ކުރުމުގެ އިތުރުން ޔޫރޮޕާ
2023 ވަނަ އަހަރުގެ ޔޫރޮޕާ ލީގުގެ ފައިނަލުގެ ކުޅެފަ އެވެ.
މީގެ އިތުރުން އޭނާ ވަނީ މެންޗެސްޓަރ ޔުނައިޓެޑާއިއެކު ދެ ފަހަރު މަތިން ޕްރިމިއާ ލީގު ކާމިޔާބުކޮށް އިނގިރޭސިވިލާތުގެ ގައުމީ ޓީމަށް 31 މެޗު ކުޅެފަ އެވެ. އޭނާ އެންމެ ފަހުން އިނގިރޭސި ގައުމީ ޓީމަށް ކުޅެފައިވަނީ 2017 ވަނަ އަހަރު އެވެ.
އިއްޔެގެ ނިޔަލަށް ސައުދީ ޕްރޯ ލީގުގެ ޓްރާންސްފާ ބަންދު ވެފައިވާއިރު މަޝްހޫރު ގިނަ ކުޅުންތެރިން ތަކެއް ވަނީ ސައުދީ ލީގަށް ބަދަލުވެފަ އެވެ. އޭގެ ތެރޭގައި ޓޮޓްންހަމްގެ ކުރީގެ ފޯވަޑް ސްޓެވެން ބަރޖްވިން ވަނީ 17.7 މިލިއަން ޕައުންޑްގެ ފީ އަކަށް އަލް އިއްތިހާދަށް ސޮއި ކޮށްފަ އެވެ. އަދި ޕޯޗުގަލް މިޑްފީލްޑަރ ޑެނީލޯވެސް ވަނީ ޕީއެސްޖީ ދޫކޮށް އަލް އިއްތިހާދަށް ސޮއިކޮށްފަ އެވެ.
ސްމޯލިންގ ސައުދީއަށް ބަދަލުވެފައިވަނީ ކިހާވަރެއްގެ ފީ އަކަށް ކަމާއިމެދު އެއްވެސް ފަރާތަކުން ހާމަ ކޮށްފައެއް ނުވެއެވެ.