ސްޕެޝަލް އޮލިމްޕިކްސް މޯލްޑިވްސް އިން އިންތިޒާމުކޮށްގެން ބޭއްވި ފުރަތަމަ އެތުލެޓިކްސް މުބާރާތް ކާމިޔާބުކަމާއެކު ނިންމާލައިފިއެވެ.
ނިމިދިޔަ ހަފްތާ ބަންދުގައި މި މުބާރާތް ކުރިއަށްދިޔައީ ހުޅުމާލޭ ސިންތެޓިކް ޓްރެކުގައެވެ. މުބާރާތުގައި ޖުމްލަ 60 އަށްވުރެ ގިނަ ކުދިން ވާދަކޮށްފައިވާއިރު، ގިނަ ކެޓަގަރީތަކަކަށް ވަނީ ބަހާލާފައެވެ.
އެގޮތުން ސޮފްޓް ބޯލް ތްރޮވިިން، 400 މީޓަރު ، 200 މީޓަރު، 100 މީޓަރު އަދި 80 މީޓަރާއި 50 މީޓަރުގެ ދުވުމުގެ އިތުރުން ސްޓޭންޑިން ލޯންގް ޖަމްޕް ކުރިއަށްދިޔަ އެވެ. މިއިން ކޮންމެ ކެޓަގަރީއެއް ކުރިއަށްދިޔައީ 10 އަހަރުންދަށް އަދި 100 އަހަރުން މަތީގެ އުމުރުފުރާއަށް ބަހާލައިގެންނެވެ.
މިއީ ވާދަވެރި ގޮތެއްގައި ބޭއްވި ފުރަތަމަ ސްޕެޝަލް އޮލިމްޕިކްސް އެތުލެޓިކްސް މުބާރާތެވެ. ވީހާވެސް ގިނަ ކުދިންނަށް ބައިވެރިވުމުގެ ފުރުސަތު ފަހިވާގޮތަށް ބައްޓަންކުރި މި މުބާރާތުގެ ކާމިޔާބާއެކު މި އަހަރު އަދިވެސް އިތުރު ހަރަކާތްތަކެއް ކުރިއަށްގެންދާނެ ކަމަށް ސްޕެޝަލް އޮލިމްޕިކްސް މޯލްޑިވްސްއިން މައުލޫމާތުދެއެވެ.