ފްރާންސްގެ ޕީއެސްޖީއަށް ކުޅެމުންދިޔަ އުރުގުއޭގެ މިޑްފީލްޑަރު އުގާޓޭ ހޯދުމަށް މެންޗެސްޓާ ޔުނައިޓެޑުން ކުރަމުން އައި މަސައްކަތް އެންމެ ފަހުން ކާމިޔާބުވެއްޖެއެވެ.
މ އަހަރުގެ ޓްރާންސްފާ ފެށުނީއްސުރެ އުގާޓޭ ހޯދުމަށް ޔުނައިޓެޑްއިން ވަނީ ޕީއެސްޖީއަށް ހުށައެޅުންތަކެއް ހުށައަޅާފައެވެ. އެންމެ ފަހުން އެކްލަބުން އޭނާ ވިއްކާލުމަށް އެއްބަސްވެފައިވަނީ 60 މިލިއަން ޔޫރޯގެ ފީއަކަށެވެ. މި އެއްބަސްވުމުގެ ދަށުން މެންޗެސްޓަރ ޔުނައިޓެޑްއިން ޕީއެސްޖީއަށޤ 42.2 މިލިއަން ޕައުންޑް ދޭން ޖެހޭނެއެވެ. އަދި ބާކީ ފައިސާ ދައްކާނީ ޔުނައިޓަށް އޭނާގެ ފަރާތުން ވާ ފައިދާތަކާއި ދައްކާ ކުޅުމަށް ބެލުމަށްފަހުގައެވެ.
އުމުރުން 23 އަހަރުގެ އުގާޓޭ ޕީއެސްޖީ އާއި ގުޅިފައިވަނީ ޕޯޗުގަލްގެ ސްޕޯޓިން ލިޒްބަން އިން 2023 ވަނަ އަހަރުއެވެ. ފާއިތުވެދިޔަ ދުވަސްތަކުގައި އޭނާ ވަނީ ޕީއެސްޖީއަށް 25 މެޗު ކުޅެދީފައެވެ. އުގާޓޭ ވިއްކާލުމަށްފަހު ޕީއެސްޖީން ވަނީ ޕޯޗުގަލްގެ ޖޮއާއޯ ނެވޭސްގެ ސޮއި ހޯދާފައެވެ.
މީޑިޔާ ރިޕޯޓްތައް ބުނާ ގޮތުގައި އުގާޓޭ މާދަމާ އިނގިރޭސިވިލާތަށްގޮސް މެންޗެސްޓަރ ޔުނައިޓެޑްގެ މެޑިކަލް ފުރިހަމަ ކުރުމަށްފަހު އެ ކްލަބާއިއެކު ސޮއި ކުރާނެއެވެ.
އުގާޓޭ މެންޗެސްޓަރ ޔުނައިޓެޑަށް ބަދަލުވާން އެއްބަސްވެފައިވާއިރު، މިސީޒަނަށް ޓީމު އިތުރަށް ވަރުގަދަ ކުރުމުގެ ގޮތުން އެރިކް ޓެންހާގް ކުރާ މަސައްކަތުގައި މިއީ އެ ޓީމާއި އަލަށް ގުޅުނު ފަސްވަނަ ކުޅުންތެރިޔާ އެވެ.
މެންޗެސްޓަރ ޔުނައިޓެޑުން ދަނީ ޗެލްސީގެ ރަހީމް ސްޓާލިން ހޯދުމަށްވެސް މަސައްކަތް ކުރަމުންނެވެ. ނަމަވެސް ޗެލްސީން ސްޓާލިންގެ ބަދަލުގައި ޔުނައިޓެޑްގެ ޖޭޑަން ސަންޗޯ ހޯދުމަށް މަސައްކަތް ކުރާކަމަށް ރިޕޯޓްތައް ވަނީ ބުނެފަ އެވެ.