މިރޭ މާލޭގައި ހިނގި އަލިފާނުގެ ހާދިސާގައި ފިހިގެން ދެ ބިދޭސީއަކަށް އެކިވަރުގެ ގެއްލުންވި

ގަލޮޅު ރަނައުރާވިލާގަ ހުރި ވޯކްޝޮޕެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސުން ހަރަކާތްތެރިވެ ނިއްވާލައިފައިވާ ކަމަށާއި މި ހާދިސާގައި ދެމީހަކަށް އެކިވަރުގެ ގެއްލުންވިކަމަށް އެމްއެންޑީއެފުން ވިދާޅުވެއްޖެއެވެ.

އެމްއެންޑީއެފުން ވިދާޅުވީ މި ހާދިސާގެ މަޢުލޫމާތު ލިބުނީ މިރޭ 08:43 ހާއިރު ކަމަށާއި، އެތަނުގައި އަލިފާން ރޯވާން މެދުވެރިވީ ކަރަންޓު ޝޯޓެއްވުމުން ކަމަށެވެ.

މި ހާދިސާ ހިނގާފައިވަނީ ގ. ރަނައުރާ ގޭގައި ހިނގަމުންދާ ފަހީމް އިލެކްޓްރޯނިކް ޕްރައިވެޓް ލިމިޓެޑްގައިކަމަށެވެ.

މި ހާދިސާގައި 2 ބިދޭސީއަކަށް ވަނީ ގެއްލުން ލިބިފައެވެ. އެގޮތުން ބަންގްލަދޭޝް އާއި އިންޑިއާ އަށް ނިސްބަތްވާ ދެ މީހަކަށް ހޮސްޕިޓަލަށް ގެންގޮސް ފަރުވާދެމުންދާއިރު، އެކެއްގެ ހަށިގަނޑުގެ 6 އިންސައްތަ އަދި ދެން އަނިޔާވި ،މީހާގެ ހަށިގަނޑުގެ 3 އިންސައްތަ ފިހިފައިވާކަމަށެވެ.