ކ. ތުލުސްދޫގައި މިހާރު ކުރިއަށްދާ އޭޝިއަން ސާފިން ޗެމްޕިއަންޝިޕް 2024 ގެ ޖޫނިއާ ފިރިހެން ބައިގެ ސެމީ ފައިނަލުގެ ޖާގައެއްް ހޯދައި، ރާއްޖޭގެ ޔޫސުފް ކަޔާން ހަމްދާން ޒަކީ ތާރީޚީ ކާމިޔާބީއެއް ހާސިލުކޮށްފިއެވެ.
ޖޫނިއާ ބައިގެ ސެމީ ފައިނަލް ހީޓުތައް މިއަދު ކުރިއަށްދިޔައިރު، ހީޓު ދޭއްގެ ވާދަކުރި ކަޔާން ޒަކީ ދިޔައީ ދެވަނައަށެވެ. އެގޮތުން މި ހީޓުގައި އޭނާ ވަނީ 9.64 ސްކޯ ކޮށްފައެވެ. މި ނަތީޖާއާއެކު ސެމީއަށް ކަޔާން ޒަކީ ދަތުރުކުރިއިރު، އޭނާ އަކީ އޭޝިއަން ސާފިން ޗެމްޕިއަންޝިޕުގެ ޖޫނިއާ ބައިގެ ސެމީއަށް ދަތުރުކުރި ރާއްޖޭގެ ފުރަތަމަ އެތުލީޓެވެ.
މީގެ އިތުރުން ޖޫނިއާ ބައިގެ ކުއާޓާ ފައިނަލް ހީޓު ތިނެއްގައި ރާއްޖޭގެ ޖޫނިއާ ޓީމުގެ ކެޕްޓަން ޞައްޔިދު ޞަލާހުއްދީން ވަނީ ވާދަކޮށްފައެވެ. އެކަމަކު އޭނާ ދިޔައީ ހީޓުގެ ތިންވަނައަށެވެ. މި ހީޓުގައި ޞައްޔިދުގެ ސްކޯ އަކީ 7.90 އެވެ.
ކުއާޓާ ފައިނަލުގެ ހީޓު ހަތަރެއްގައި ވާދަކުރި ރާއްޖޭގެ ޖޫނިއާ ބީ ޓީމުގެ ކަޔާން އަބްދުالله އަރީފުވެސް ދިޔައީ ތިންވަނައަށެވެ. އެގޮތުން އޭނާއަށް ސްކޯ ކުރެވުނީ 9.83 އެވެ.