އެމެރިކާގެ ސިންސިނާޓީގައި ކުރިއަށްދިޔަ ސިންސިނާޓީ އޯޕަން ޓެނިސް މުބާރާތް ބެލަރޫސްގެ އަރީނާ ސަބަލެންކާ ކާމިޔާބުކޮށްފި އެވެ.
ދެ ފަހަރު މަތިން އޮސްޓްރޭލިއަން އޯޕަން މުބާރާތް ކާމިޔާބުކޮށްފައިވާ ސަބަލެންކާ މި މުބާރާތް ކާމިޔާބުކޮށްފައިވަނީ އެމެރިކާގެ ޖެސިކާ ޕެގޫލާ އާއި ދެކޮޅަށް ކުޅުނު މެޗް 6-3، 7-5ގެ ނަތީޖާއަކުން ކާމިޔާބުކޮށްގެންނެވެ.
ނިމިގެންދިޔަ ޓޮރޮންޓޯ މުބާރާތް ކާމިޔާބު ކޮށްފައިވާ ޖެސިކާ މިމުބާރާތް ކާމިޔާބު ކުރާނެކަމަށް ގިނަ ބަޔަކު ގަބޫލުކުރި ނަމަވެސް ފައިނަލް މެޗްގައި ސަބަލެންކާވަނީ ތަފާތު މޮޅު ކުޅުމެއް ދައްކާފައެވެ. އަދި މި މެޗުން ޖެސިކާ ބަލިވުމާއިއެކު ބަލިނުވެ އޭނާ ދަމަހައްޓަމުން އައި ރެކޯޑްވަނީ ނިމުމަކަށް އައިސްފައެވެ.
މި މުބާރާތް ކާމިޔާބުކުރުމާއިއެކު މިއީ ސަބަލެންކާގެ ކެރިއަރުގައި އޭނާ ކާމިޔާބުކުރި ފަނަރަވަނަ މުބާރާތެވެ. އަދި ޑަބްލިއު ޓީ އޭ 1000 ގެ ހަވަނަ މުބާރާތެވެ. މިއީ 2000 ވަނަ އަހަރު ދޯހާގައި ބޭއްވި ހާޑް ކޯޓް މުބާރާތެއް ކާމިޔާކުރި ފަހުން ސަބަލެންކާއަށް ކާމިޔާބު ކުރެވުނު ފުރަތަމަ ހާޑްކޯޓް މުބާރާތެވެ.
ސިންސިނާޓީ އޯޕަން ކާމިޔާބު ކުރުމާއިއެކު ސަބަލެންކާއަށްވަނީ ޑަބްލިއު ޓީ އޭ ރޭންކިންގެ ދެވަނަ މަގާމް ލިބިފައެވެ.