ޗައިނާގެ ކުރީގެ ފުޓްބޯޅައިގެ ނައިބު ރައީސްގެ މައްޗަށް ރިޝްވަތުގެ ތުހުމަތުގައި 11 އަހަރުގެ ޖަލު ހުކުމެއް

ޗައިނާގެ ފުޓްބޯޅަ އެސޯސިއޭޝަން (ސީއެފްއޭ) ގެ ކުރީގެ ނައިބު ރައީސަށް ރިޝްވަތު ހިފުމުގެ ކުށުގައި 11 އަހަރުގެ ޖަލު ޙުކުމެއް އިއްވައި، 1 މިލިއަން ޔުއާން (139،579.03 ޑޮލަރު) ގެ ޖޫރިމަނާއެއް ދައްކަންޖެހިފައިވާ ކަމަށް އެ ގައުމުގެ ސަރުކާރުގެ ނޫސް އެޖެންސީ ޝިންހުއާއީއާ ހަވާލީ ފަހުގެ މީޑިއާ ހަބަރުތައް ބުނެފިއެވެ.

ލީ ޔުޔީ އަށް މި ޙުކުމް އިއްވާފައިވަނީ، 2022 ގެ ފަހުކޮޅުން ފެށިގެން މިދިޔަ ދުވަސްތަކުގައި އެ ގައުމުގެ 10 އަށްވުރެ ގިނަ މަތީ ފަންތީގެ ފުޓްބޯޅަ އޮފިޝަލުންނާ ގުޅޭ ތަޙުޤީޤުތަކެއް ކުރުމަށްފަހުގައެވެ.

ޗައިނާގެ ފުޓްބޯޅައިގައި ކޮރަޕްޝަން އޮތްކަމަކީ ކުރީއްސުރެ ފާހަގަކުރެވިފައިވާ ކަމަކަށްވީހިނދު، އެ ގައުމުގެ ސީނިއާ ފުޓްބޯޅަ ޓީމުގެ ފަރާތުން ފެންނަމުން އަންނަ ދަށް ކުޅުމުގެ މައިގަނޑު ސަބަބަކީ ވެސް އެއީ ކަމަށް ސަޕޯޓަރުން ގަބޫލުކުރެއެވެ. މީގެކުރީން، 2012 ވަނަ އަހަރު، އެ ގައުމުގެ ފުޓްބޯޅަ އެސޯސިއޭޝަންގެ ކުރީގެ ދެ ވެރިންނަށް ރިޝްވަތު ހިފުމުގެ ކުށުގައި 10 އަހަރާއި 6 މަސްދުވަހުގެ ޖަލު ޙުކުމެއް އިއްވާފައިވެއެވެ.

މީގެއިތުރުން، މިދިޔަ މާރިޗް މަހުގެ ތެރޭގައި، ޗައިނާގެ ފުޓްބޯޅަ އެސޯސިއޭޝަންގެ ކުރީގެ ވެރިއެއްގެ މައްޗަށް 10 މިލިއަން ޑޮލަރަށްވުރެ ބޮޑު އަދަދެއްގެ ރިޝްވަތު ބަލައިގަތުމުގެ ކުށުގައި އުމުރު ދުވަހުގެ ޖަލު ހުކުމެއް އިއްވާފައިވެއެވެ. މިއީ މިދިޔަ އަހަރުތަކުގައި ކުޅިވަރުގައި ފެނިގެންދިޔަ ކޮރަޕްޝަން ހުއްޓުވުމުގެ އެންމެ ބޮޑު އެއްތަހުގީގެވެ.