ނޭޕާލްގެ ކަތުމަންޑޫގައި ބާއްވާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ވިމެންސް ވޮލީބޯލް ނޭޝަންސް ލީގުގައި ވާދަކުރުމަށް ރާއްޖޭގެ ސީނިއާ އަންހެން ވޮލީބޯޅަ ޓީމު ފުރައިފިއެވެ.
ޖުމްލަ ފަސް ގައުމަކާއެކު މި މުބާރާތް ކުރިއަށްދާނީ 1-7 އޯގަސްޓަށެވެ. ރާއްޖޭގެ އިތުރުން މި މުބާރާތުގައި ވާދަކުރާ ޓީމުތަކަކީ އީރާން، އިންޑިއާ، ސްރީ ލަންކާ އަދި ނޭޕާލެވެ.
މުބާރާތުގައި ރާއްޖެ ކުޅޭ ފުރަތަމަ މެޗުގައި އޮގަސްޓު ދެވަނަ ދުވަހުގެ ހަވީރު ކުޅޭ ދެވަނަ މެޗުގައި ބައްދަލުކުރާނީ އިންޑިއާ އާއެވެ. ޖެހިގެން އަންނަ ދުވަހުގެ ހަވީރު ރާއްޖެ ކުޅޭ ދެވަނަ މެޗުގައި އީރާނާ ވާދަކުރާއިރު، ތިންވަނަ މެޗުގައި އޮގަސްޓު ހަތަރެއްގައި ބައްދަލުކުރާނީ ސްރީ ލަންކާއާއެވެ. އަދި ޓީމުތައް ކުޅޭ ފަހު ބުރުގެ މެޗުގައި ރާއްޖެ ބައްދަލުކުރާނީ ނޭޕާލާއެވެ.
ކޮންމެ ޓީމެއް ކޮންމެ ޓީމަކާ ވާދަކޮށް އެންމެ ރަނގަޅު ނަތީޖާ ނެރޭ ހަތަރު ޓީމު ސެމީ ފައިނަލުގައި ވާދަކުރާނެއެވެ. ފައިނަލް މެޗު ކުޅުމަށް ތާވަލުކޮށްފައިވަނީ 7 އޮގަސްޓުގައެވެ.
ރާއްޖޭގެ ސީނިއާ އަންހެން ވޮލީބޯޅަ ޓީމުގެ ހެޑު ކޯޗަކީ ސޮފްވާން އަހުމަދެވެ. އެސިސްޓަންޓު ކޯޗަކީ އަހްމަދު އަދީލް (ބޭބެ) އެވެ.
ސީނިއާ ޓީމުގައި ހިމެނޭ މުހިއްމު ހަތަރު ކުޅުންތެރިން ވަނީ ބޫޓާނުގައި ބާއްވާ ކާވާ ބީޗު ވޮލީބޯލް މުބާރާތުގައި ވާދަކުރުމަށް ފުރާފައެވެ. އެއީ ހައްވާ މާޖިދާ، ހައްވާ ރާޝިދާ، އާމިނަތު އަރީޝާ އެވެ. މި މުބާރާތަށްފަހު ކާވާ ނޭޝަންސް ލީގު ޓީމުގައި ވާދަކުރުމަށް މި ތިން ކުޅުންތެރިން ނޭޕާލަށް ދާނެއެވެ.