އިންޑޮނީޝިޔާގެ ބައެއް ހިސާބުތަކަށް ބޯކޮށް ވާރޭވެހި ފެންބޮޑުވުމުގެ ސަބަބުން ހިނގި ހާދިސާތަކެއްގައި 17 މީހުން މަރުވެ 4 މީހުން ގެއްލިއްޖެއެވެ.
ނިމުނު ހަފްތާ ބަންދާއެކު އިއްޔެއާ ހަމަޔަށް ވެހުނު ވާރޭގައި ފެންބޮޑުވެފައިވަނީ މަޝްހޫރު ޓުއަރިސްޓް މަންޒިލެއް ހިމެނޭ ސަރަޙައްދެކެވެ. މަރުވި މީހުންގެ ތެރޭގައި މަޝްހޫރު ވޮޓަރފޯލް އެއް ބެލުމަށް އެ ސަރަޙައްދަށް ގޮސްއުޅުނު ޔުނިވަރސިޓީއެއްގައި ކިޔަވަމުންދާ 70 އެއްހާ ކުދިންގެ ތެރެއިން ބައެއް ކުދިންވެސް ހިމެނެއެވެ.
މިހާދިސާއަށްފަހު މީހުން ހޯދުމާއި އެހެންވެސް އެހީގެ މަސައްކަތުގައި 300 އެއްހާ މީހުން ނިކުމެ ހަރަކާތްތެރިވަމުންދާ ކަމަށް ޚަބަރު ލިބެއެވެ.
މޫސުން ގޯސްވެ ފެންބޮޑުވުމަކީ އިންޑޮނީޝިޔާއަށް މިދުވަސްވަރު އާންމުކޮން ދިމާވާކަމެއް ކަމަށާ ނަމަވެސް މީގެ ކުރިން އެޕްރިލް ނިމޭހާތާގައި ވިއްސާރަ މޫސުން ނިމޭ ކަމަށް ރިޕޯޓްތައް ބުނެއެވެ.