އީރާންގެ ރައީސްގެ މަޤާމަށް އިންތިޚާބުވެވަޑައިގެންނެވި މަސްޢޫދު ބީޛިޝްކިޔާނަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.
ސޯޝަލް މީޑިއާގައި އާއްމުކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ ޢީރާނުގެ ރިޔާސީ އިންތިހާބު ކާމިޔާބު ކުރެއްވި މަސްޢޫދު ބީޛިޝްކިޔާނަށް ތަހުނިޔާ ވިދާޅުވެފައެވެ. އަދި މަސްޢޫދު ބީޛިޝްކިޔާންގެ ޒައާމަތުގައި ރާއްޖެއާއި އީރާންގެ ގުޅުން އިތުރަށް ބަދަހިވެގެންދާނެކަމަށް އުއްމީދުކުރައްވާކަމަށްވެސް ރައީސުލްޖުމްހޫރިއްޔާގެ މެސެޖުގައިވެއެވެ.
އީރާނުގެ އިންތިހާބީ ރައީސަށް ފޮނުއްވި މެސެޖުގައި ރައީސުލްޖުމްހޫރިއްޔާ ވަނީ ޤައުމީ އަދި ސަރަހައްދީ ފެންވަރުގައި ފާގަތިކަމާއި، އަމާންކަން ޤާއިމްކުރުމަށް ކުރާ މަސައްކަތުގައި ކާމިޔާބަށް އެދިވަޑައިގަންނަވާކަމަށްވެސް ވިދާޅުވެފައެވެ.
Congratulations @drpezeshkian on your election as the President of the Islamic Republic of Iran. I look forward to working together to strengthen the relationship between the Maldives and Iran, and wish you success in your efforts to promote, peace and prosperity in the country…
— Dr Mohamed Muizzu (@MMuizzu) July 6, 2024
އީރާނުގެ ރައީސްކަމުގެ މަޤާމަށް އެ ޤައުމުގެ ޤާނޫނު ހަދާ މަޖިލީހުގެ މެންބަރު މަސްޢޫދު ބީޛިޝްކިޔާން އިންތިހާބުވެވަޑައިގަތީ ރިޔާސީ އިންތިޚާބުގެ ދެވަނަ ބުރުގައި އެ ޤައުމުގެ އިސް ނިއުކްލިޔަރ ނެގޯޝިއޭޓަރކަމުގެ މަޤާމު ފުރުއްވާފައިވާ ސަޢީދު ޖަލީލީގެ މައްޗަށް ކުރި ހޯއްދަވައިގެންނެވެ.