ވެރިކަންކުރާ ޕީއެންސީގެ މައި ޖަގަހަ "ޕީއެންސީ ހައުސް" ހުޅުވައިފި

ވެރިކަންކުރާ ޕީޕަލްސް ނޭޝަނަލް ކޮންގްރެސް، ޕީއެންސީގެ މައި ޖަގަހަކަމަށްވާ "ޕީއެންސީ ހައުސް" ހުޅުވައިފިއެވެ.

މިރޭ ބޭއްވި ރަސްމިއްޔާތުގައި މި ޖަގަހަ ހުޅުއްވައިދެއްވީ ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.

ޖަގަހަ ހުޅުވައިދެއްވުމުގެ ކުރިން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ޖަގަހައިގައި ޕީއެންސީގެ ދިދަ ނަންގަވައިދެއްވާފައެވެ.

ޖަގަހަ ހުޅުވުމަށް ބޭއްވި ރަސްމިއްޔާތުގައި ޕީއެންސީ އާއި ޕީޕީއެމްގެ ލީޑަރޝިޕްގެ އިތުރުން ސަރުކާރާއެކު މަސައްކަތްކުރަމުން އަންނަ ޕާޓީތަކުގެ ލީޑަރުން ބައިވެރިވެވަޑައިގެންނެވިއެވެ.

ޕީއެންސީ ހައުސް ހުޅުވުމުގެ ހަރަކާތަކީ މިދިޔަ އޭޕްރީލްމަހު ބޭއްވި ރައްޔިތުންގެ މަޖިލިސް އިންތިޚާބަށްފަހު އެ ޕާޓީން ބޭއްވި ފުރަތަމަ ސިޔާސީ ހަރަކާތެވެ.

ޕީއެންސީގެ ޖަގަހަ ހުޅުވާފައިވަނީ އާޓިފިޝަލް ބީޗް ކުރިމަތި، ހ.ވެޔޮވިލާގައެވެ.