ސްޓޯންސް ޕްރެކްޓިހަށް ނިކުުތުމުން އިންގްލަންޑަށް ހަމަޖެހުން

ޑިފެންޑަރ ޖޯން ސްޓޯންސް ޕްރެކްޓިހަށް ނިކުތުމުން އިންގްލަންޑަށް ބޮޑު ހަމަޖެހުމެއް ލިބިއްޖެއެވެ.

މާދަމާ ޖަރުމަނުގައި ފަށާ ޔޫރަޕިއަން ޗެމްޕިއަންޝިޕްގެ ފެވަރިޓުންގެ ތެރޭގައި ހިމެނޭ އިންގްލެންޑްގެ ސެންޓްރަލް ޑިފެންޑަރ ޖޯން ސްޓޯންސް ޓީމްގެ ފަރިތަކުރުންތަކަށް ނިކުތީ ބުދަ ދުވަހު ކޮޓަރީގައި އެކަހެރިވެ އޮތުމަށްފަހު އެވެ. އެއީ ބަލިވެ، އެހެން ކުޅުންތެރިންނަށް އެބަލީގެ އަސަރު ކޮށްފާނެތީއެވެ.

ފާއިތުވި ދެ މަސް ދުވަހުގެ ތެރޭގައި ސްޓޯންސް މެޗެއްގެ 90 މިނިޓް ފުރިހަމަ ކުރީ އެންމެ މެޗެއްގައެވެ. އެކަމަކު ޔޫރޯގެ ކުރިން އިންގްލެންޑް އެންމެ ފަހުން އައިސްލެންޑާ ވާދަކުރި މެޗުގައި 45 މިނިޓް އޭނާ ކުޅުނެވެ.

ސްޓޯންސް އެކަހެރިވީ ހުކުރު ދުވަހު އައިސްލެންޑް އަތުން 1-0 ން އިންގްލެންޑް ބަލިވި މެޗަށްފަހު އެވެ. ސްޓޯންސް އަކީ ފާއިތުވި ބޮޑު ތިން މުބާރާތުގައި ވެސް އިންގްލެންޑްގެ ދިފާއުގެ މައި އެއް ތަނބެވެ. އޭނާއާއެކު މިދިޔަ ތިން މުބާރާތުގައި ޑިފެންސް ބެލެހެއްޓި ހެރީ މެގުއާ މިފަހަރު ޓީމްގައި ނުހިމެނެއެވެ.

މުބާރާތުގައި އިންގްލެންޑް ކުޅޭ ފުރަތަމަ މެޗުގައި ބުރާސްފަތި ދުވަހު ވާދަކުރާނީ ޑެންމާކާއެވެ، ދެވަނަ މެޗުގައި މިމަހުގެ 25 ވަނަ ދުވަހު ވާދަކުރާނީ ސްލޮވީނިޔާއާ އެވެ.