އިމިގްރޭޝަންގެ ރެކްރިއޭޝަން ކްލަބް ކަމަށްވާ، ކްލަބް އިމިގްރޭޝަންގެ ފަރާތުން ފަލަސްތީނުގައި ހާލުގައި ޖެހިފައިވާ ފަރާތްތަކަށް އެހީތެރިވުމަށް 1 ލައްކަ ރުފިޔާ ހަދިޔާކޮށްފިއެވެ.
އިމިގްރޭޝަނުން ބުނީ މި ފައިސާއަކީ އެ ކްލަބުން ކުރިއަށްގެންދިޔަ ފަންޑް ރައިޒިން ހަރަކާތުގެ ތެރެއިން އެއްކޮށްފައިވާ ފައިސާކަމަށެވެ. އަދި އެ ފައިސާ ފަލަސްތީނުގެ ރައްޔިތުންނާއި ފޮނުވުމަށްޓަކައި ހަވާލުކޮށްފައިވަނީ އިންޓަނޭޝަނަލް އެއިޑް ކެމްޕޭން، އައިއޭސީއާކަމަށްވެސް އިމިގްރޭޝަނުން ވިދާޅުވެއެވެ.
އިމިގްރޭޝަން އޮފީހުގައި ބޭއްވި ހަފްލާއެއްގައި މި ފަންޑް އައިއޭސީއަށް ހަވާލު ކޮށްދެއްވީ ކޮންޓްރޯލަރ ޖެނެރަލް އޮފް އިމިގްރޭޝަން، މުޙައްމަދު ޝަމްޢާން ވަޙީދުއެވެ.
A fund-raising initiative by Club Immigration helped to raise a total of MVR 100,000 to help the people of Palestine. The fund was handed over to the @IACMaldives today. We appreciate the support and donation from the entire Immigration staff. #TeamImmigration #EmmenGulhigen… pic.twitter.com/uUQNeBrOLz
— Maldives Immigration (@ImmigrationMV) June 9, 2024
މި ފަންޑް ރައިޒިން އިވެންޓާއި ގުޅޭގޮތުން ވާހަކަ ދައްކަވަމުން ޝަމްޢާން ވިދާޅުވީ އިމިގްރޭޝަންގެ މުވައްޒަފުން މަސައްކަތް ކުރަނީ އެއް އާއިލާއެއްގެ ގޮތުގައި ކަމަށާއި އެހީތެރިވާންޖެހޭ ކޮންމެ ކަމެއްގައި އިމިގްރޭޝަންގެ އޮފިސަރުންގެ ފަރާތުން ފުރިހަމަ އެއްބާރުލުން ލިބޭނެ ކަަމަށެވެ.
"ފަލަސްތީނަކީ އެންމެހާ ދިވެހިންގެ ހިތްތަކާ ގުޅިފައިވާ ބައެއް. އެކަމުގައި އިމިގްރޭޝަންގެ އޮފިސަރުންވެސް ތިބީ ހަމައެގޮތުގައި ފަލަސްތީނު ރައްޔިތުންނަށް އެހީވުމުގައި ދެމިތިބޭ ގޮތުގައި" ޝަމްޢާން ވިދާޅުވިއެވެ.
އިމިގްރޭޝަނުން ބުނި ގޮތުގައި މި ފަންޑް ރައިޒިން އިނީޝިއޭޓިވްގައި، އެ މުވައްސަސާގެ ހުރިހާ މުވައްޒަފުންގެ އެހީތެރިކަން ލިބިފައިވެއެވެ.
ފަލަސްތީނަށް އެހީވުމަށްޓަކައި ގިނަ ހަރަކާތްތަކެއް ކުރިއަށްގެންދާއިރު "ފަލަސްޠީނާއިއެކު ދިވެހިން" މި ނަމުގައި މުޅި ރާއްޖޭގައި ހިނގާލުމެއް ބޭއްވުމަށް ސަރުކާރުން ވަނީ ނިންމަވާފައެވެ.