ޓީއެމްއޭގެ ސީ-ޕްލޭނެއް ކަނޑަށް ޖައްސަން އުޅުމުގެ ތެރޭގައި އެކްސިޑެންޓެއް ހިނގައިފިއެވެ.
ދިވެހި ފުލުހުންގެ ޚިދުމަތުން މައުލޫމާތު ވިދާޅުވީ މިހާދިސާ ހިނގާފައިވަނީ ބ. އަތޮޅުގެ ރިސޯޓަކަށް ސީޕްލޭން ޖައްސަން އުޅުމުގެ ތެރޭގައިކަމަށެވެ. ނަމަވެސް މި ހާދިސާގައި އެއްވެސް މީހަކަށް އަނިޔާ ނުވާކަމަށް ފުލުހުން ވިދާޅުވެއެވެ.
މަޢުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ ބ.އަތޮޅުގައި އޮންނަ، ވެސްޓިން މޯލްޑިވްސް މިރިއަންދޫ ރިސޯޓަށް ސީޕްލޭން ޖައްސަން އުޅުމުގެ ތެރޭގައެވެ.
ސޯޝަލް މީޑިއާގައި އާންމުވަމުންދާ ވީޑިއޯއިން ފެންނަ ގޮތުގައި ސީޕްލޭން އެކްސިޑެންޓްވެ، ވަނީ ދިޔަވެފައެވެ. މި ހާދިސާ ހިނގަން މެދުވެރިވި ސަބަބެއް މިހާތަނަށް ނޭނގޭއިރު، މިކަމާއި ގުޅޭ އިތުރު ތަފްސީލެއް ކަމާބެހޭ ފަރާތްތަކުން ހާމަކޮށްފައެއް ނުވެއެވެ.