ރާއްޖެއާއެކު އޮންނަ ގުޅުން އިތުރަށް ވަރުގަދަކުރަން މަސައްކަތްކުރާނަން: މޯދީ

ރާއްޖެއާއި އިންޑިއާގެ ގުޅުން އިތުރަށް ބަދަހިކުރުމަށް މަސައްކަތްކުރައްވާނެކަމަށް އިންޑިއާގެ ބޮޑުވަޒީރު ނަރެންދުރަ މޯދީ ވިދާޅުވެއްޖެއެވެ.

އިންޑިއާގެ ބޮޑުވަޒީރު މިހެން ވިދާޅުވީ އިންޑިއާގެ އާއްމު އިންތިހާބުގައި އެމަނިކުފާނު ނިސްބަތްވާ ކޯލިޝަނަށް ލިބިވަޑައިގެންނެވި ކާމިޔާބީއާ ގުޅިގެން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވި ތަހުނިޔާގެ މެސެޖާއި ގުޅިގެނެވެ.

ސޯޝަލް މީޑިއާގައި އާއްމު ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ އިންޑިއާގެ ޢާންމު އިންތިޚާބު 2024ގައި ބާރަތިޔާ ޖަނާތާ ޕާޓީ (ބީ.ޖޭ.ޕީ) އާއި އެޕާޓީ އިސްވެ އޮވެ އުފައްދާފައިވާ ނޭޝަނަލް ޑިމޮކްރަޓިކް އެލަޔަންސް (އެން.ޑީ.އޭ) ހޯދި ކާމިޔާބީ ފާހަގަކުރައްވައި އިންޑިއާގެ ބޮޑުވަޒީރު ނަރެންދުރަ މޯދީއަށް ތަހުނިޔާ ވިދާޅުވެފައެވެ.

Thank you President @MMuizzu. Maldives is our valued partner and neighbour in the Indian Ocean Region. I too look forward to closer cooperation for further strengthening our bilateral ties. https://t.co/CMtAWD0pGB

— Narendra Modi (@narendramodi) June 5, 2024

ރައީސުލްޖުމްހޫރިއްޔާގެ ޕޯސްޓުގައި ބީ.ޖޭ.ޕީން ތިންވަނަ ދައުރަކަށް އިންތިޚާބު ކާމިޔާބުކޮށްފައިވާކަން ފާހަގަކުރައްވާފައިވެއެވެ. އަދި ތަރައްޤީއާ ހަމަޖެހުން ހޯދުމަށް ދެ ޤައުމު ގުޅިގެން ކުރެވޭ މަސައްކަތް އިތުރުވެގެންދާނެ ކަމަށް އުންމީދުކުރައްވާ ކަމުގައި ރައީސުލްޖުމްހޫރިއްޔާ ފާހަގަކުރައްވާފައިވެއެވެ.

ރައީސުލްޖުމްހޫރިއްޔާގެ މެސެޖާއި ގުޅިގެން މޯދީ ވަނީ އެމަނިކުފާނަށް ޝުކުރު ދަންނަވާފައެވެ. މޯދީ ވިދާޅުވީ ރާއްޖެއަަކީ އިންޑިއާގެ އަވަށްޓެރިއެއްގެ އިތުރުން، ވަރަށް ގާތް ގުޅުމެއް ބާއްވާ ޤައުމެއްކަމަށެވެ. އަދި ކުރިއަށް އޮތްތަނުގައި ދެ ޤައުމުގެ ގުޅުންތައް އިތުރަށް ވަރުގަދަކުރުމަށް ގުޅިގެން މަސައްކަތްކުރުމަށް އުއްމީދުކުރައްވާކަމަށްވެސް މޯދީ ވިދާޅުވިއެވެ.

Appreciate your kind message Vice President @HucenSembe. We will continue to work together to deepen bilateral partnership. https://t.co/CIyX1rj2El

— Narendra Modi (@narendramodi) June 5, 2024

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އިތުރުން، ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފުވެސް ވަނީ މޯދީއަށް ތަހުނިޔާ ވިދާޅުވެފައެވެ. އަދި ނައިބު ރައީސްގެ ތަހުނިޔާގެ މެސެޖަށްވެސް މޯދީ ވަނީ ޝުކުރު ދަންނަވާފައެވެ.