އޭޑީކޭ ހޮސްޕިޓަލްގެ މެނޭޖިން ޑިރެކްޓަރ އަހުމަދު އައްފާލް - ފައިލް ފޮޓޯ: އޭޑީކޭ ހޮސްޕިޓަލް
އިންސާނުންގެ ކަށީގެ ޙާލަތު ދެނެގަނެވޭ، ޑެކްސާ ސްކޭން ބޯން ޑެންސިޓޮމެޓްރީ ޓެސްޓްގެ ޚިދުމަތް އޭ.ޑީ.ކޭ ހޮސްޕިޓަލްގައި އިއްޔެ ފަށައިފިއެވެ.
މިއީ ކަށިފީވާ މިންވަރު ދެނެގަތުމަށް ހަދާ މުހިންމު ޓެސްޓެކެވެ. ގިނަ ދުވަސްތަކެއްގެ މެދުކެނޑުމަކަށްފަހު، މި ޓެސްޓް ހަދަން ފަށާފައިވަނީ، އަލަށް ބަހެއްޓި މެޝިނަކާއެކު ކަމަށް އޭ.ޑީ.ކޭ ހޮސްޕިޓަލުން ބުނެއެވެ.
އޭ.ޑީ.ކޭ ހޮސްޕިޓަލްގައި ބޭއްވި ރަސްމިއްޔާތުގައި، މި ޚިދުމަތް އިފްތިތާޙުކޮށްދެއްވީ ހެލްތް މިނިސްޓްރީގެ ސްޓޭޓް މިނިސްޓަރ ޙުސައިން ރަޝީދެވެ. މަހެއްގެ މައްޗަށް އެވްރެޖްކޮށް 60 މީހުން މި ޓެސްޓް ހަދާކަމަށާއި، ޚިދުމަތް އަނެއްކާވެސް ފެށުމުން، އެކަމުގެ ސަބަބުން ރައްޔިތުންނަށް ލުއިފަސޭހަތަކެއް ލިބިގެންދާނެ ކަމަށް އޭޑީކޭ ހޮސްޕިޓަލްގެ މެނޭޖިންގެ ޑިރެކްޓަރ އަޙުމަދު އައްފާލް ވިދާޅުވިއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ