ރައީސްގެ ވަޢުދާ އެއްގޮތަށް އިތުރުކުރި ބިމާއެކު ގުޅިފަޅު ހިއްކާ ނިންމާލައިފި

މާލެ އަތޮޅު ގުޅިފަޅުގެ ބިން ހިއްކާ އެއްކޮށް ނިންމާލައިފިއެވެ.

ގުޅިފަޅުގެ ބިން ހިއްކާ ނިންމިފައިވާކަން ހާމަކޮށްފައިވަނީ ޢިމާރާތްކުރުމާއި ބިނާރާ ބެހޭ ވުޒާރާއިން ކުރި ޕޯސްޓެއްގައެވެ. އެވުޒާރައިން ވިދާޅުވީ ހިއްކާ ނިމުމާއެކު ބިން އެއްވަރުކުރުމުގެ މަސައްކަތްވެސް ނިންމާލާފައިވާ ކަމަށެވެ.

މި މަޝްރޫޢުގެ ދަށުން ޖުމްލަ 18 މިލިއަން ކިއުބިކް މީޓަރުގެ ސަރަހައްދަކަށް ވެލި އަޅާފައިވާކަމަށް ބިނާރާ ބެހޭ ވުޒާރާއިން ވިދާޅުވެއެވެ.

The dredging and reclamation works at K. Gulhifalhu were completed on 15th April 2024. A total of 18 million cubic meters of sand has been pumped out to reclaim K. Gulhifalhu.#mocigulhifalhu pic.twitter.com/PHAYFjaCTU

— Ministry of Construction and Infrastructure (@MoCImv) April 16, 2024

ގުޅިފަޅުގެ ދެވަނަ ފިޔަވަހި ހިއްކުމުގެ މަސައްކަތް ފަށާފައިވަނީ މިދިޔަ އަހަރުގެ ޖުލައި މަހުގެ 2 ވަނަ ދުވަހުއެވެ. ގުޅިފަޅު ހިއްކުމުގެ މަސައްކަތް ޙަވާލުކޮށްފައިވަނީ ނެދަލޭންޑްސްގެ ބޮސްކާލީސް ކުންފުންޏާއެވެ. ގުޅީފަޅުގެ ފުރަތަމަ ފިޔަވަހީގެ ބިން ހިއްކާފައިވަނީވެސް އެކުންފުނިންނެވެ.

މީގެ ކުރިން ގުޅިފަޅުން ހިއްކުމަށް ހަމަޖެހިފައިވަނީ 150 ހެކްޓަރުގެ ބިމެވެ. އެހެންނަމަވެސް ރައީސް ޑރ. މުޢިއްޒު ވަނީ ގުޅީފަޅުން އިތުރު 85 ހެކްޓަރުގެ ބިން ހިއްކުމަށް ނިންމަވާ ބިން އިތުރުކޮށްދެއްވާފައެވެ.

ގުޅިފަޅު ހިއްކުމަށް ހަވާލުކޮށްފައިވަނީ 120 މިލިއަން ޑޮލަރު ނުވަތަ 2 ބިލިއަން ރުފިޔާއަށެވެ. ގުޅިފަޅުން 2218 ބިން ދޫކުރުމަށް ކުރީ ސަރުކާރުން ނިންމަވާފައިވެއެވެ. އެހެންނަމަވެސް ގިރާވަރުފަޅުން 1347 ބިމެއް ގުޅިފަޅަށް ބަދަލުކުރުމަށް ސަރުކާރުން ވަނީ ނިންމަވާފައެވެ.