ފޯރިގަދަ ހުށައެޅުންތަކަކާއެކު "މޯލްޑިވިއަން އައިޑަލް"ގެ ޓޮޕް ތިން ބައިވެރިންގެ ޕަރފޯމެންސް ޝޯވ މިރޭ ދައްކައިފިއެވެ. img:http://s3.psmnews.mv/images/660x400/14619636478647.jpg|މޯލްޑިވިއަން އައިޑަލްގެ ޕްރެޒެންޓަރުން - ފޮޓޯ: ޕީއެސްއެމް
މޯލްޑިވިއަން އައިޑަލް ސީޒަން 1 ގެ ޓައިޓްލްއަށް މިހާރު ވާދަކުރަމުންދާ 3 ބައިވެރިންނަކީ، ޝަލަބީ ޢިބްރާހީމް، ލައިޝާ ޖުނައިދު އަދި މުޙައްމަދު އިޝާނެވެ. މި 3 ބައިވެރިންގެ ވާދަވެރި ހުށައެޅުންތަކެއް މިރޭ ފެނިގެންގޮސްފައިވާއިރު، މިރޭގެ ޝޯވ ވެގެންދާނީ މި މުބާރާތުގައި ބައިވެރިންގެ ހުށައެޅުންތަކަށް ޖަޖްކުރެވިގެންދާނެ އެންމެ ފަހު ޝޯވއަށެވެ. img:http://s2.psmnews.mv/images/660x400/14619635804170.jpg|މޯލްޑިވިއަން އައިޑަލްގެ ޖަޖް ކުޑަ އިއްބެ މިރޭގެ ގެސްޓް ޖަޖް މުންކޮ އާއެކު - ފޮޓޯ: ޕީއެސްއެމް
މޯލްޑިވިއަން އައިޑަލްގެ ޓައިޓަލް ގެންދާނެ ބައިވެރިއަކު ކަނޑައެޅިގެންދާނީ ޖަޖުންގެ 50 އިންސައްތަ މާކްސްއާއި، ބެލުންތެރިންގެ 50 އިންސައްތަ ވޯޓު އެއްކޮށްލުމުން، އެންމެ މަތިން މާކްސް ހޯދާ ބައިވެރިއަކަށެވެ. މިރޭގެ ޝޯވއާއެކު، ވޯޓުލުމަށް ބެލުންތެރިންނަށް ހުޅުވާލާފައިވާ މުއްދަތު ވަނީ އިތުރުކޮށްފައެވެ. އެގޮތުން މިރޭގެ ޝޯވ ދެއްކިވަގުތުން ފެށިގެން އަންނަ ހޯމަ ދުވަހުގެ ހަވީރު 4 ޖެހުމާއި ހަމައަށް ބެލުންތެރިންނަށް އެންމެ ކަމުދާ ހުށައެޅުމެއް ހުށައަޅައިދިން ބައިވެރިއަކަށް އެސް.އެމް.އެސް ކުރުމުގެ ފުރުސަތު މިހާރު ވަނީ ހުޅުވާލާފައެވެ. img:http://s1.psmnews.mv/images/660x400/14619637395987.jpg|މޯލްޑިވިއަން އައިޑަލްގެ ގަދަ 3 ބައިވެރިންގެ ތެރޭގައި ހިމެނޭ ލައިޝާ ޖުނައިދު - ފޮޓޯ: ޕީއެސްއެމް
އެސް.އެމް.އެސް ކުރެއްވުމަށް MI ޖެއްސެވުމަށްފަހު ހުސްތަންކޮޅެއް ދޫކުރައްވާ، އެ ބައިވެރިއެއްގެ ނަން ޖެއްސެވުމަށްފަހު 303 އަށް އެސްއެމްއެސްއެއް ކުރެއްވުމުން ވޯޓް ދެވޭނެއެވެ. މިއިން ކޮންމެ އެސް.އެމް.އެސްއަކަށް 3 ރުފިޔާ ޗާޖްކުރާއިރު، ކޮންމެ ނަންބަރަކުންވެސް އެންމެ ގިނަ ވެގެން ފޮނުވޭނީ 50 އެސް.އެމް.އެސްއެވެ. މިރޭގެ ޝޯވގައި ކޮންމެ ބައިވެރިއަކުވެސް ދެ ލަވަ ހުށައަޅާދީފައިވާއިރު، ގެސްޓް ޖަޖެއްގެ ގޮތުގައި މިރޭގެ ޝޯވއިން ފެނިގެންގޮސްފައިވަނީ އާޓްސްގެ ދާއިރާއިން ފާހަގަކޮށްލެވޭ ޑައިރެކްޓަރެއް ކަމަށްވާ މުޙައްމަދު މުންތަސިރެވެ. img:http://s2.psmnews.mv/images/660x400/14619637099753.jpg|މޯލްޑިވިއަން އައިޑަލްގެ ގަދަ 3 ބައިވެރިންގެ ތެރޭގައި ހިމެނޭ މުޙައްމަދު އިޝާން - ފޮޓޯ: ޕީއެސްއެމް
ފްރެންޗައިޒް އުސޫލުން ރާއްޖޭގައި ބާއްވާ އެންމެ އަގުބޮޑު ރިއަލިޓީ ޝޯވ "މޯލްޑިވިއަން އައިޑަލް" ސީޒަން 1 ގެ ގްރޭންޑް ފިނާލޭ ބޭއްވުމަށް ހަމަޖެހިފައިވަނީ މި އަންނަ ހޯމަ ދުވަހުގެ ރެއެވެ. މި މުބާރާތުން 1 ވަނަ ހާސިލްކުރާ ފަރާތަކަށް ދެ ލައްކަ ފަންސާސް ހާސް ރުފިޔާގެ ފައިސާގެ އިނާމެއް ޕީ.އެސް.އެމްއާއި އެކި ފަރާތްތަކުން ވަނީ ހުށައަޅާފައިވާއިރު، 2 ވަނަ އަދި 3 ވަނަ ހާސިލްކުރާ ބައިވެރިއަކަށްވެސް އަގުހުރި އިނާމްތަކެއް ވަނީ ހުށައަޅާފައެވެ. އަދި ގްރޭންޑް ފިނާލޭ އޮންނަ ރޭ ބެލުންތެރިންނަށާއި، ބައިވެރިންނަށްވެސް ގިނަ ސަޕްރައިޒްތަކެއް ފެނިގެންދާނެކަމަށް ޕީ.އެސް.އެމުން ހާމަކުރެއެވެ. img:http://s3.psmnews.mv/images/660x400/14619637822377.jpg|މޯލްޑިވިއަން އައިޑަލްގެ ގަދަ 3 ބައިވެރިންގެ ތެރޭގައި ހިމެނޭ ޝަލަބީ ޢިބްރާހީމް - ފޮޓޯ: ޕީއެސްއެމް