ރައީސްގެ އަނބިކަނބަލުން 'އަންބަލަން' އަދި 'އާރޓް އޮފް މައިންޑް' އިފްތިތާޙުކޮށްދެއްވައިފި

"އަންބަލަން" ޙަރަކާތާއި "އާރޓް އޮފް މައިންޑް 2024" އެގްޒިބިޝަން ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު އިފްތިތާޙުކޮށްދެއްވައިފިއެވެ.

މީގެތެރެއިން "އަންބަލަން" ޙަރަކާތަކީ ސޮސައިޓީ ފޯރ ހެލްތު އެޑިއުކޭޝަންގެ ޝީގެ ފަރާތުން އިންތިޒާމުކޮށްގެން ކުރިއަށްގެންދާ ޙަރަކާތެކެވެ. އަދި "އާރޓް އޮފް މައިންޑް 2024" އެގްޒިބިޝަނަކީ މޯލްޑިވްސް އޯޓިޒަމް އެސޯސިއޭޝަންގެ ފަރާތުން އިންތިޒާކުރާ ޙަރަކާތެކެވެ.

First Lady Sajidha Mohamed Inaugurates Anbalan 2024 Fundraising Event Organized by @SHE_Maldives. The two-day event is held at the Artificial Beach. pic.twitter.com/i9pN6c2en6

— The President's Office (@presidencymv) March 7, 2024

އަންބަލަން ޙަރަކާތް އިފްތިތާޙްކޮށްދެއްވުމަށްފަހު ސާޖިދާ ވަނީ އަންބަލަންގައި ޤާއިމުކޮށްފައިވާ ސްޓޯލްތަކަށް ޒިޔާރަތްކުރައްވާފައެވެ.

ޕީއެސްއެމް ނިއުސްއަށް މައުލޫމާތު ދެއްވަމުން ޝީއިން ބުނީ އަންބަލަންއަކީ ރަމަޟާންމަހާއި ދިމާކޮށް ޘަޤާފީ އާދަކާދާއިގެ ތެރެއިން ރާއްޖޭގައި ކުރިއަށްގެންދާ ހަރަކާތެއްކަމަށާއި، އެ ޖަމުއިއްުުޔާގެ މަޤްސަދަކީ އެ ސަގާފަތް ދިރުވުންކަމަށެވެ.

އަންހެނުންގެ ދުވަހާއިވެސް ގުޅުވައިގެން ކުރިއަށްގެންދާ މިއަހަރުގެ ޙަރަކާތުގައިވެސް އަމިއްލަ ވިޔަފާރިކުރާ އަންހެނުން ބައިވެރިވެ އެފަރާތްތަކުގެ އުފެއްދުންތައް ވިއްކުމުގެ ފުރުސަތުވެސް ވަނީ ހުޅުވާލާފައެވެ. މީގެއިތުރުން އެކި ބަލިތަކާއި ގުޅޭ މައުލޫމާތު މި ޙަރަކާތުގެ ތެރެއިން ދެމުންގެންދާނެކަމަށްވެސް އެޖަމިއްޔާއިން ބުނެއެވެ. މިޙަރަކާތް ކުރިއަށްގެންދިޔުމަށް ހަމަޖެހިފައިވަނީ 7 އަދި 8 މާރިޗު މި ދެދުވަހުގެ ހަވީރު 4:00 އިން ރޭގަނޑު 11:00 އަށްކަމަށް ޝީއިން ބުނެއެވެ.

First Lady Sajidha Mohamed attended the opening event of the "Art of Mind 2024" art exhibition organised by the Maldives Autism Association. This art exhibition was held to celebrate the amazing talents and skills of students of the Maldives Autism Association. pic.twitter.com/cn9BqF0IUJ

— The President's Office (@presidencymv) March 7, 2024

ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު އިފްތިތާހުކޮށްދެއްވި "އާރޓް އޮފް މައިންޑް 2024" އެގްޒިބިޝަނަކީ އޯޓިޒަމް އެސޯސިއޭޝަނުން އިންތިޒާމްކުރާ ހަރަކާތެކެވެ.

މި އެގްޒިބިޝަންގެ ބޭނުމަކީ އޯޓިޒަމް އެސޯސިއޭޝަންގައި ރަޖިސްޓްރީވެފައިވާ ކުދިންގެ ހުނަރު ދައްކާލުންކަމަށް އެ އެސޯސިއޭޝަނުން ބުނެއެވެ.

ރައީސުލްޖުމްހޫރިއްޔާގެ އަނބިކަނބަލުން ވަނީ އެގްޒިބިޝަން ހުޅުވުމަށް ބޭއްވި ރަސްމިއްޔާތުގައި ބައިވެރިވެވަޑައިގެން، އެގްޒިބިޝަނަށް ކުދިން ތައްޔާރުކޮށްފައިވާ އެކި ހުނަރުވެރި މަސައްކަތްތައް ބައްލަވާލައްވާފައެވެ.