ޚަބަރު
ސައިކަލެއް ބަހެއްގައި ޖެހި، ނުރައްކާތެރި އެކްސިޑެންޓެއް!
-
ސައިކަލް ދުއްވަން އިން މީހާއަށް ދަނީ ހޮސްޕިޓްލްގަ ފަރުވާ ދެމުން
-
ސައިކަލާއި ބަހުގެ އިތުރުން ކާރައް ވަނީ އެކިވަރުގެ ގެއްލުން ވެފަ
-
ސައިކަލް ދުއްވި މީހާގެ އަތުގައި ލައިސެންސް އެއް ނެތް
ފުލުހުންގެ މައި އިދާރާ، ޝަހީދު ޙުސައިން އާދަމް ބިލްޑިންގ ---
މާލޭގައި މިރޭ ހިނގި ނުރައްކާތެރި އެކްސިޑެންޓެއްގައި އަނިޔާވި މީހަކަށް ހޮސްޕިޓަލުގައި ފަރުވާދޭން ފަށައިފިއެވެ.
ފުލުހުން ވިދާޅުވީ މި އެކްސިޑެންޓް ހިނގަން މެދުވެރިވީ ބޮޑުތަކުރުފާން މަގުން ހުޅަނގުން އިރަށް ދުއްވާފައި ދިޔަ ސައިކަލެއް ސްޓެލްކޯ ކައިރީގައި އޮތް އެމްޓީސީސީ ބަހެއްގައި ޖެހިގެންކަމަށެވެ. މިރޭ 8:00 ހާއިރު ހިނގި މި އެކްސިޑެންޓުގައި ސައިކަލް ދުއްވަން އިން މީހާއަށް އަނިޔާތަކެއް ލިބުމާއި ގުޅިގެން އޭނާއަށް ހޮސްޕިޓަލުގައި ފަރުވާދެމުން އަންނަކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ މި އެކްސިޑެންޓް ތަހުގީގުކުރަމުންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ