ޔުއެފާ ނޭޝަންސް ލީގުގައި ވަރުގަދަ ތިން ގައުމެއް އެއް ގްރޫޕެއްގައި ލައްވާލައިފިއެވެ.
އޭގެ ތެރޭގައި ޔޫރަޕުގެ ޗެމްޕިއަން އިޓަލީ އާއި، ދުނިޔޭގެ ރަނަރަޕް ފްރާންސް އަދި ބެލްޖިއަމާއެކު ގްރޫޕް ބީގައި ހިމެނެނީ އިސްރާއީލެވެ.
ގްރޫޕް އޭގައި ހިމެނެނީ ކްރޮއޭޝިއާ އާއި، ޕޯޗުގަލް އަދި ޕޮލެންޑާއި ސްކޮޓްލަންޑެވެ. ގްރޫޕް ސީގައި ހިމެނެނީ ނެދަލަންޑްސް އާއި، ހަންގޭރީ އާއި، ޖަރުމަން އަދި ބޮސްނިއާއެވެ. ގްރޫޕް ޑީގައި ހިމެނެނީ އެންމެ ފަހުގެ ޗެމްޕިއަން ސްޕެއިނާއި، ޑެންމާކާއި، ސްވިޓްޒަލަންޑް އަދި ސާބިއާއެވެ.
ލީގުގެ ދެވަނަ ފަންތީގައި ވާދަކުރާ ގައުމުތަކުގެ ތެރެއިން ޗެކް ރިޕަބްލިކާއި، ޔޫކްރެއިން އަދި އަލްބޭނިއާ އާއި ޖޯޖިއާ ހިމެނެނީ އޭ ގްރޫޕުގައެވެ. ބީ ގްރޫޕުގައި ހިމެނެނީ އިންގްލަންޑާއި، ފިންލެންޑް އަދި އަޔަލަންޑާއި ގްރީސްއެވެ. ގްރޫޕް ސީގައި ހިމެނެނީ އޮސްޓްރިއާ އާއި، ނޯވޭ އާއި، ސްލޮވީނިއާގެ އިތުރުން ކަޒަކިސްތާނެވެ. ގްރޫޕް ޑީގައި ހިމެނެނީ ވޭލްސް އާއި، އައިސްލަންޑުގެ އިތުރުން މޮންޓެނީގްރޯ އާއި ތުރުކީއެވެ.