ސައުދީ މެރިން އެގްޒެބިޝަންގައި ވަޒީރު ޝިޔާމް ބައިވެރިވެވަޑައިގެންފި

ސައުދީ އިންޓަރނޭޝަނަލް މެރިން އެގްޒިބިޝަން ހުޅުވުމުގެ ރަސްމިއްޔާތުގައި މަސްވެރިކަމާއި ކަނޑުގެ ވަސީލަތްތަކާއި ބެހޭ ވަޒީރު އަޙުމަދު ޝިޔާމް ބައިވެރިވެވަޑައިގެންފިއެވެ.

ސައުދީ އަރަބިއްޔާގެ ވެރިރަށް ރިޔާޛުގައި މިމަހުގެ 6ވަނަ ދުވަހުގެ ނިޔަލަށް ކުރިއަށްދާ ސައުދީ އިންޓަރނޭޝަނަލް މެރިން އެގްޒެބިޝަން ހުޅުވުމުގެ ރަސްމިއްޔާތުގައި ވަޒީރު ޝިޔާމް ބައިވެރިވެވަޑައިގަތީ އެޤައުމުގެ މިނިސްޓަރ އޮފް އެންވަޔަރަންމަންޓު، ވޯޓާ އަދި އެގްރިކަލްޗަރ އަބްދުލްރަހްމާން އަބްދުލްމުހްސިންގެ ދަޢުވަތަކަށެވެ.

ސައުދީ އިންޓަރނޭޝަނަލް މެރިން އެގްޒިބިޝަނާއި ގުޅޭގޮތުން އެކްސްގައި ހިއްސާކުރެއްވި ޕޯސްޓެއްގައި ވަޒީރު ވިދާޅުވީ، މި އެގްޒިބިޝަނަކީ ވިޔަފާރީގެ ގުޅުން ބަދަހިކޮށް، އެކި ދާއިރާތަކުން މައުލޫމާތު ހިއްސާކުރުމަށް ލިބޭ މުހިއްމު ޕްލެޓްފޯމެއް ކަމަށެވެ.

Sincere gratitude to HE Abdulrahman Abdulmohsen A. AlFadley, Minsiter of Environment, Water and Agriculture for the gracious invitation to the Saudi International Marine Exhibition where more than 120 companies from 35 different countries took part. A great platform for… https://t.co/EtKgWKPMFA

— Ahmed Shiyam (@Shiyamaldives) February 4, 2024

ސައުދީ އިންޓަރނޭޝަނަލް މެރިން އެގްޒިބިޝަންއަކީ ސީފުޑަށް ޚާއްސަކޮށްގެން ސައުދީ އަރަބިއްޔާގައި ބާއްވާ އެންމެ ބޮޑު އެގްޒިބިޝަނެވެ. މިއަހަރުގެ އެގްޒިބިޝަންގައި ދުނިޔޭގެ 35 ޤައުމަކުން 120 ކުންފުނިން ބައިވެރިވެފައިވެއެވެ.