އަތޮޅުތަކުގައި ބައިނަލްއަގުވާމީ މުބާރާތްތައްވެސް ބޭއްވުމަކީ މުހިންމު ކަމެއް ކަމަށް ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.
ޕީއެސްއެމުން ގެނެސްދިން "ރާއްޖެ މިއަދު" ޕްރޮގްރާމުގައި ވާހަދައްކަވަމުން ރާފިޢު ވިދާޅުވީ ފެންވަރު ރަނގަޅު މުބާރާތްތައް ބޭއްވޭނީ މާލެގައި އެކަނި ނޫން ކަމަށާއި، އެއީ މުޅިން ރަނގަޅު ވިސްނުމެއް ނޫން ކަމަށެވެ.
ބައިނަލްއަގުވާމީ މުބާރާތްތައް އަތޮޅު ތެރޭގައި ބޭއްވުމަށްޓަކައި މިހާރު ހެދިފައިހުރި ތަންތަނުގެ ޑިޒައިނަށް ބަދަލުތަކެއް ގެންނަން ޖެހޭ ކަމަށާއި، އެގޮތުން މިހާރު ގެންނަށް ޖެހޭ ބަދަލުތަކާ ގުޅޭގޮތުން ކުރަންޖެހޭ މަސައްކަތްތަށް ކުރިޔަށްދާ ކަމަށްވެސް ވިދާޅުވިއެވެ. އަދި ކުރިމަގުގައި އަތޮޅު ތެރޭގައި ގާއިމުކުރެވިގެންދާ މަލްޓި ސްޕޯޓްސް ކޮމްޕްލެކްސްތައް ބައްޓަން ވެގެންދާނީ އެ ބައްޓަމަށް ކަމަށްވެސް ވަނީ ވިދާޅުވެފައެވެ.
"މިހާރު އަޅުގަނޑުމެންގެ އަތުގައި ހުރި ބަދަލުތަކަކީ އެގޮތަށް ގެނެވިފައިވާ ބަދަލުތަކަކަށް ނުވާތީވެ، އެ ބަދަލުތައް ގެނެސް އިރާދަކުރެއްވިއްޔާ ފެސެލީޓީތައް ގާއިމުވެގެންދާނީ. ޑިސެއިބަލް ކުދިންނަށް އެކްސެސް ވެވޭގޮތަށް އަދި އިންޓަނޭޝަނަލް މުބާރާތް ބޭއްވޭ ގޮތަށް.ޢަބްދުﷲ ރާފިޢު - ކުޅިވަރާއި ހަށިހެޔޮކަމާ ބެހޭ ވަޒީރު
ރާފިޢު ވިދާޅުވީ އޮތޮޅު ތެރޭގައި މީގެ ފަހުން ގާއިމުކުރެވިގެންދާ ކުޅިވަރު ފެސިލީޓީތައް ވެގެންދާނީ ފެންވަރު ރަނގަޅު ޚިދުމަތްތަކެއް ލިބޭ އަދި ބައިނަލްއަގުވާމީ މިންގަނޑުތަކާ އެއްގޮތްވާ ގޮތުގެ މަތީން ގާއިމުކުރެވިގެންދާ ފެސިލީޓީތަކަކަށް ކަމަށެވެ.