ފެން ފައިބާ މައްސަލަ ހައްލުކުރަން އިސްލާމީ މަރުކަޒުގެ ފުރާޅުގެ ޓިނުތައް ބަދަލުކުރަނީ

އިސްލާމީ މަރުކަޒުގެ ހުރިހާ ޓިނެއް ހަލާކުވެފައި ހުރުމުގެ ސަބަބުން، ޓިނުތައް ބަދަލުކުރުމުގެ މަސައްކަތް ފަށާފައިވާކަމަށް އިސްލާމީ ކަންތައްތަކާބެހޭ ވަޒީރު ޑރ.މުޙައްމަދު ޝަހީމް އަލީ ސަޢީދު ވިދާޅުވެއްޖެއެވެ.

ސޯޝަލް މީޑިއާގައި ކުރެއްވި ޕޯސްޓެއްގައި ޑރ. ޝަހީމް ވިދާޅުވީ އިސްލާމީ މަރުކަޒުގެ ފުރާޅުގެ ޓިނުތައް ހަލާކުވެފައި ހުރުމުގެ ސަބަބުން ވިއްސާރަ ދުވަސްވަރު މަރުކަޒު ތެރެއަށް ފެން ފައިބާކަމަށެވެ. އަދި އެކަން ހައްލުކުރަން މަރުކަޒު ތެރޭގައި ބާލިދީ ބަހައްޓަން ޖެހޭކަމަށްވެސް ވަޒީރު ވިދާޅުވިއެވެ.

އިސްލަަމީ މަރުކަޒުގެ ފުރާޅުގެ ހުރިހައި ފަރާތެއްގެ ޓިނުތައް ހުރީ ހަލާކުވެފަ. އެތެރެއަށް ވެހޭތީވެ ވިއްސާރަ ދުވަސްތަކުގައި އެތެރޭގެ ގިނަ ތަންތާ ބާލިނދި ބަހައްޓާފަ ހުންނަނީ . ޓިނުތައް ބަދަލުކުރަން 2 މިލިއަން ޚަރަދުވޭ. އެތަނުގަ ޖަހާ ޓިނު ލިބެނީ ބޭރުން. މަސައްކަތްކުރިއަށް އެބަދޭ. pic.twitter.com/REI6fvy0Xy

— Mohamed Shaheem Ali Saeed (@Mohamedshaheem1) January 19, 2024

ވަޒީރު ވިދާޅުވީ އިސްލާމީ މަރުކަޒަށް ބޭނުންވާ ޓިނު ލިބެނީ ރާއްޖެއިން ބޭރުން ކަމަށާއި ޓިނުތައް ބަދަލުކުރުމުގެ މަސައްކަތް ކުރުމަށް 2 މިލިޔަން ރުފިޔާ ޚަރަދުވާނެކަމަށެވެ.

އިސްލާމީ މަރުކަޒުގެ ގޯތިތެރެއާއި މިސްކިތުގެ އާބާތުރަ ފިލުވުމުގެ މަސައްކަތް 2022 ވަނަ އަހަރުވެސް ކުރިއަށް ގެންދިޔައެވެ. އެގޮތުން އިސްލާމީ މަރުޒަކުގެ ގޯތިތެރޭގައި ހަލާކުވެފައިވާ މާބުލްތައް ނަގައި، އައު މާބުލްޖެހުމުގެ މަސައްކަތް ވަނީ ކޮށްފައެވެ. އަދި މަރުކަޒުގެ ގުއްބާއި މުންނާރު އައު ކުރުމުގެ މަސައްކަތާއި މިސްކިތުގެ އެކި ތަންތަނުގައި ހަރުކޮށްފައިވާ ކެލިގްރަފީ ބޯޑުތައް މަރާމާތުކޮށް، އާކުރުމުގެ އިތުރުން އިސްލާމީ މަރުކަޒުގެ ސައުންޑް ސިސްޓަމް ބަދަލުކޮށްފައިވެއެވެ. ނަމަވެސް އޭރު ޓިނުތައް ބަދަލުކުރުމުގެ މަސައްކަތް ކޮށްފައެއް ނުވެއެވެ.

މެއިންޓަނެންސް ނުކޮށް ގިނަ އަހަރުތަކެއް ހުރުމުގެ ސަބަބުން ސަލްމާން މިސްކިތުގެ އޭސީ ސިސްޓަމް ބޮޑުބައެއް ހަލާކުވެފައި ވަނިކޮށް، ބޭރުގެ ކޮންސަލްޓެންޓުންގެ އެހީގައި ސިސްޓަމްގެ ބައެއް ބައިތައް މަރާމާތުކޮށް، ނަމާދު ކުރާ ފަންގިފިލާތަކަށް މިހާރުވާނީ ފިނިވާގޮތް ހަދާފަ. pic.twitter.com/cilK3uQCRM

— Mohamed Shaheem Ali Saeed (@Mohamedshaheem1) January 19, 2024