ޚަބަރު
މެންބަރު ސިޔާމްގެ ބައްޕާފުޅު އަވަހާރަވެއްޖެ
-
އަވަހާރަވިއިރު އުމުރުފުޅަކީ 80 އަހަރު
-
އަވަހާރަވީ އޭޑީކޭ ހޮސްޕިޓަލުގައި ފަރުވާދެމުންދަނިކޮށް
މެންބަރު ސިޔާމް (ވ) އާއި ބައްޕާފުޅު ޤާސިމް (ކ)، / ފޮޓޯ: ސަން އޮންލައިން
ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަދި މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ) ގެ ރައީސް އަހުމަދު ސިޔާމް މުޙައްމަދުގެ ބައްޕާފުޅު އަވަހާރަވެއްޖެއެވެ.
ޕީއެސްއެމް ނިއުސް އަށް މައުލޫމާތު ލިބިފައިވާ ގޮތުގައި ނ. ކުޑަފަރީ، މުޙައްމަދު ޤާސިމް އަވަހާރަވީ ރޭ ފަތިހުގެ ވަގުތެއްގައެވެ. އަވަހާރަވިއިރު އުމުރުފުޅަކީ 80 އަހަރެވެ.
ޤާސިމް އަވަހާރަވީ އާލާސްކަންފުޅާ އުޅުއްވަނިކޮށް، އޭޑީކޭ ހޮސްޕިޓަލުގައި އެޑްމިޓްކޮށްގެން ފަރުވާދެމުންދެނިކޮށެވެ.
ޤާސިމްއަކީ ކުޑަފަރިއަށް ގިނަ ޚިދުމަތްތަކެއް ކުރައްވާފައިވާ ބޭފުޅެކެވެ. އެގޮތުން އެ ރަށުގެ ކަތީބުކަމާއި ސްކޫލުގެ ނާޒިރުކަންވެސް ޤާސިމް ވަނީ ކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ