ޢިރާޤާއި ސޫރިޔާގެ ސަރަޙައްދީ ރޮނގު ކައިރީގައި އޮންނަ އަބޫ ކަމާލް ސިޓީގައި ހުންނަ އީރާނާ ގުޅިފައިވާ ހަތިޔާރުއެޅި ޖަމާޢަތަކުން ބޭނުންކުރާ ޢިމާރާތްތަތަކަށާއި ގާފިލާތަކަކަށް ޙަމަލާތަކެއް ދީފިއެވެ.
ޢިރާޤުން ބުނެފައި ވަނީ އެއީ ކޮން ބައެއް ދިން ޙަމަލާއެއް ކަމެއް މިހާތަނަށް ދެނެގަނެވިފައެއް ނުވެއެވެ. އެ ޙަމަލާގެ ސަބަބުން އެއްވެސް މީހަކު މަރުވެފައި ނުވާ ކަމަށް ހަތިޔާރު އެޅި ޖަމާޢަތެއް ކަމަށްވާ ހާޝިދު ޝާބީން ބުނެއެވެ. އެ ޙަމަލާތައް އަމާޒުކޮށްފައި ވަނީ އެ ޖަމާޢަތަށް ނިސްބަތްވާ 8 ގާފިލާއަކަށް ކަމަށާއި އޭގެ ތެރެއިން ޙަމަލާ އަމާޒުވެފައިވަނީ ހަތަރު ގާފިލާއަކަށް ކަމަށް ސޫރިޔާއިން ބުނެއެވެ. ގާފިލާތަކުގެ އިތުރުން އެ ޖަމާޢަތުން ބޭނުންކުރާ ތިން ޢިމާރާތަކަށް ވެސް ޙަމަލާތައް އަމާޒުކޮށްފައިވެއެވެ. ޙިޒްބުالله ހިމެނޭ ގޮތަށް އީރާނާ ގުޅިފައިވާ ހަނގުރާމަވެރިން މިހާރު ވަނީ ސޫރިޔާގެ އިރުމައްޗާއި ދެކުނާއި ހުޅަނގު އުތުރުގައި ވެސް ބާރު ގަދަކޮށްފައެވެ.
2011 ވަނަ އަހަރު ސޫރިޔާގައި ފެށި ދާޚިލީ ހަނގުރާމައިގައި އެ ޤައުމުގެ ރައީސް ބައްޝާރުލް ޢަސަދަށް ތާއީދު ކުރަން ފެށި ފަހުން އީރާނުގެ ނުފޫޒު ގަދަވެފައިވާ ސޫރިޔާއާއި އީރާނާ ގުޅުން ހުރި ތަންތަނަށް ޔަހޫދީން ދަނީ އަހަރުތަކެއް ވަންދެން ޙަމަލާތައް ދެމުންނެވެ.