ޑަބްލިއުޓީއޭއިން ހޮވާ އަހަރުގެ މޮޅު ޓެނިސް ކުޅުންތެރިޔާގެ މަގާމު ވިދިވިދިގެން ދެވަނަ ފަހަރަށް ދުނިޔޭގެ އެއް ނަންބަރު އަންހެން ޓެނިސް ކުޅުންތެރިޔާ އީގާ ޝްވާންޓެކް ހޯދައިފިއެވެ.
ޝާވެންޓެކް ވަނީ މި އަހަރުގެ ޖޫން މަހު ފްރެންޗް އޯޕަން ޓެނިސް މުބާރާތް ދިފާއުކޮށް، ޑަބްލިއުޓީއޭ ފައިނަލް ފުރަތަމަ ފަހަރަށް ކާމިޔާބުކޮށްފައެވެ. މި ކާމިޔާބީތަކާއެކު ރޭންކިންގެ އެއްވަނައިގައި މީގެ ކުރިން އުޅުނު އެރީނާ ސަބަލެންކާ ފަހަތަށް ޖައްސާލުމަށްފަހު ޝްވާންޓެކް ވަނީ އަލުން ރޭންކިންގެ އެއްވަނަ މަގާމު ހޯދާފައެވެ.
ހުސްވި ދެ ސީޒަނުގައި ޝާވަންޓެކުގެ ކޯޗުގެ ގޮތުގައި ހުރި ތޯމަސް ވިކްޓްރޯވެސްކީ ވަނީ އަހަރުގެ އެންމެ މޮޅު ކޯޗުގެ ގޮތުގައި ހޮވިފައެވެ. ފުރަތަމަ ފަހަރަށް ވިދިވިދިން މި އެވޯޑު ހޯދީ ޕޯލްއެވެ. 23 ފަހަރު ޓެނިހުގެ ބޮޑެތި މުބާރާތްތައް ކާމިޔާބުކޮށްފައިވާ ސެރީނާ ވިލިއަމްސް ވަނީ 2012 ވަނަ އަހަރުން ފެށިގެން 2015 ގެ ނިޔަލަށް މި އެވޯޑް ހަތަރު ފަހަރު ކާމިޔާބުކޮށްފައެވެ.
އުމުރުން 42 އަހަރުގެ ސެރީނާ ވަނީ ހުސްވި އަހަރުގެ ޔޫއެސް އޯޕަން ޓެނިސް މުބާރާތަށްފަހު ރިޓަޔާކޮށްފައެވެ. އޭނާ ވަނީ ކެރިއަރުގައި މިހާތަނަށް މި އެވޯޑް ހަތް ފަހަރު ހޯދާފައެވެ.